Бугун, 9 сентябрь куни асли келиб чиқиши ўзбекистонлик, айни вақтда Россия фуқароси ҳисобланган миллиардер Алишер Усмонов 65 ёшга тўлди. Ўзбекистонга келиб кетаётган самолётларни кузатадиган Telegram’даги AviaSpotter каналининг маълумотларига кўра, шу кунларда Тошкент халқаро аэропортига дунёнинг турли олигархларига қарашли шахсий ва тижорий авиажетлар серқатнов бўлиб қолган. Канал берган ахборотга кўра, бу миллиардер Алишер Усмоновнинг 9 сентябрда Тошкентда нишонланадиган туғилган куни билан боғлиқ бўлиши мумкин.
7 сентябрдан бошлаб Тошкентга турли русумдаги самолётлар чартер рейслар билан кириб келмоқда. Алишер Усмоновнинг «Bourkhan» (бу Шавкат Мирзиёев АҚШга биринчи сафарида ижарага олинган самолёт) авиалайнери ҳам шу куни Сочидан учиб келиб, пойтахтга қўнган. Шунингдек, Тошкентга турли нуфузли футбол клубларидан вакиллар ташриф буюрмоқда. Хусусан, «Внуково» аэропортидан ЦСКА президенти Евгений Гинер учиб келган. Бундан ташқари, GainJet Aviation’га қарашли Англиянинг «Манчестер Сити», «Тоттенхэм», Португалиядан «Бенфика» клубларига хизмат кўрсатадиган VIP конфигурацияли Boeing 737-23N самолёти ҳам Ўзбекистонга етиб келди.
Россиялик бизнесмен, «Магнитогорск металлургия комбинати» директорлар кенгаши раиси ва стратегик режалаштириш қўмитаси раиси Виктор Рашниковнинг шахсий Bombardier golfstream G650 самолёти ҳам 8 сентябрь куни Тошкентга қўнган.
Ҳозиргача 15 га яқин шахсий ва тижорий авиажет Россия ва Европадан Тошкент халқаро аэропортига келиб қўнган.
Алишер Усмоновни туғилган куни билан Владимир Путин биринчилардан бўлиб табриклаб, телеграмма юборди.
Эслатиб ўтамиз, Шавкат Мирзиёевнинг 29 августдаги фармони билан Алишер Усмонов «Эл-юрт ҳурмати» ордени билан тақдирланганди. https://t.me/HammasiDanborr
https://t.me/HammasiDanborr
Присоединяйтесь к ОК, чтобы подписаться на группу и комментировать публикации.
Нет комментариев