Предыдущая публикация
Православный календарь;
Воскресенье 26 января 2025 / 13 января 2025
Неделя 31-я по Пятидесятнице, по Богоявлении. Глас шестый.
Мчч. Ермила и Стратоника (ок. 315).
Прп. Иринарха, затворника Ростовского (1616).
Прп. Елеазара Анзерского (1656).
Мч. Петра Анийского (309-310).
Прп. Иакова, еп. Низибийского (350).
Прп. Максима Кавсокаливита, Афонского (Греч.).
Мч. Афанасия.
Сщмч. Илария, еп. Пуатье.
Мчч. Пахомия и Папирина, (Греч.).
Чтения дня
Иоанна 20:19-31 (на утрене. Евангелие 9-e)
Тимофею 1:15-17
Луки 18:35-43
Ефесянам 4:7-13 (недели по Богоявлении)
Матфея 4:12-17 (недели по Богоявлении)
Тропари
Тропарь воскресный, глас 6.
Áнгельския си́лы на гро́бе Твое́м/ и стрегу́щии омертве́ша,/ и стоя́ше Мари́я во гро́бе,/ и́щущи Пречи́стаго Те́ла Твоего́./ Плени́л еси́ ад, не искуси́вся от него́;/ сре́тил еси́ Де́ву, да́руяй живо́т./ Воскресы́й из ме́ртвых. Го́споди, сла́ва Тебе́.
Богородичен, глас тойже.
Благослове́нную нареки́й Твою́ Ма́терь,/ прише́л еси́ на стра́сть во́льным хоте́нием,/ возсия́в на Кресте́, взыска́ти хотя́ Ада́ма,/ глаго́ля Áнгелом:/ сра́дуйтеся Мне, я́ко обре́теся поги́бшая дра́хма./ Вся му́дре устро́ивый, Бо́же наш, сла́ва Тебе́.
Кондак, глас тойже.
Живонача́льною дла́нию/ уме́ршия от мра́чных удо́лий/ Жизнода́вец воскреси́в всех Христо́с Бог,/ воскресе́ние подаде́ челове́ческому ро́ду:/ есть бо всех Спаси́тель,/ Воскресе́ние и Живо́т, и Бог всех.
Тропарь мучеников Ермила и Стратоника, глас 4.
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спа́си ду́ши на́ша.
Кондак, глас 2.
От мирски́я молвы́ избего́сте и к ти́хому приста́нищу преста́вистеся,/ му́ченичества кровьми́ и по́стничества труда́ми венча́еми./ Те́мже и показа́стеся му́чеников и преподо́бных единовсе́льницы.
Прп. Иринарха, затворника Ростовского. Тропарь, глас 4.
Я́ко му́ченика добропроизво́льна/ и преподо́бных удобре́ние,/ звезду́ Росто́вскую,/ в затво́ре, у́зах и вери́гах Го́сподеви благоугоди́вшаго/ и чуде́с благода́ть от Него́ прие́мшаго,/ Ирина́рха преди́внаго пе́сньми хвале́бными почти́м/ и, к нему́ припа́дающе, уми́льно глаго́лем:/ о́тче преподо́бне, моли́ Христа́ Бо́га/ спасти́ся душа́м на́шим.
Кондак, глас 2.
Волне́ний мно́жество жесто́ким житие́м преходя́,/ изгна́ние, затво́р и у́зы желе́зныя претерпе́л еси́ му́жески, Ирина́рше терпеливоду́шне,/ нам оста́вль о́браз злострада́ния и терпе́ния твоего́,/ озаря́я чуде́с блиста́ньми с ве́рою приходя́щих к честно́му гро́бу твоему́,/ у него́же, я́ко по́честь побе́дную, вери́ги твоя́ тя́жкия ви́дим,/ от ни́хже подае́ши исцеле́ния неду́жным./ Сего́ ра́ди зове́м ти:/ ра́дуйся, Ирина́рше, о́тче преди́вный.
Прп. Елеазара Анзерского. Тропарь, глас 3.
Отве́рг пло́ти тле́нная,/ нетле́нных потща́лся еси́ дости́гнути,/ и, ми́ра удали́вся,/ всели́лся еси́ в морски́й о́стров,/ и на нем усе́рдно мно́га ле́та Го́сподеви порабо́тал еси́,/ сего́ ра́ди и да́ры прозре́ния и чуде́с обогати́лся еси́,/ о́тче преподо́бне Елеаза́ре./ Христа́ Бо́га моли́ дарова́ти нам мир и ве́лию ми́лость.
Кондак, глас 1.
Я́ко лучу́ тя со́лнечную, Христо́с показа́, преподо́бне,/ сия́ющу во стране́ примо́рстей чуде́с благода́тию,/ уставля́еши бо пла́вающим тишину́ морску́ю, ве́рою моля́щимся тебе́ и вопию́щим:/ ра́дуйся, Елеаза́ре, о́тче наш,/ страны́ Беломо́рския похвало́ и утвержде́ние. https://vk.com/video-79196318_456247803
06:48
vk.com
Следующая публикация
Нет комментариев