Предыдущая публикация
Православный календарь;
Воскресенье 17 ноября 2024 / 4 ноября 2024
Неделя 21-я по Пятидесятнице. Глас четвертый.
Прп. Иоанникия Великого (846).
Сщмчч. Никандра, еп. Мирского, и Ермея пресвитера (I).
Св. Николая исп., пресвитера (1931).
Прмц. Евгении Лысовой (1935).
Сщмч. Александра пресвитера (1937).
Сщмч. Исмаила пресвитера (1941).
Прп. Меркурия, постника Печерского, в Дальних пещерах (XIV).
Прп. Никандра Городноезерского (XVI).
Блж. Симона Юрьевецкого (1584).
Свт. Павла, митр. Тобольского (1770).
Св. Сильвии, матери свт. Григория Двоеслова.
Мч. Порфирия лицедея, Кесарийского (Греч.).
Св. имп. Иоанна Ватаксиса, Милостивого (Греч.).
Свв. праведных Иоанна, Стефана и Исаии (Груз.).
Св. Клефера пустынника Корневильского.
Св. Бирнстана, еп. Винчестерского.
Чтения дня
Иоанна 21:1-14 (на утрене. Евангелие 10-e)
Галатам 2:16-20
Луки 8:41-56
Тропари
Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.
Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.
Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.
Прп. Иоанникия. Тропарь, глас 8.
Слез твои́х тече́ньми пусты́ни безпло́дное возде́лал еси́,/ и, и́же из глубины́ воздыха́ньми, во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Иоанни́кие, о́тче наш:/ моли́ Христа́ Бо́га спасти́ся душа́м на́шим.
Кондак прп. Иоанникия, глас 8.
Звезда́ яви́лся еси́ всесве́тлая, в ми́ре просвеща́яй/ и су́щия во мра́це страсте́й облистава́яй,/ врач же крепча́йший яви́лся еси́,/ но я́ко прия́л еси́ благода́ть исцеле́ний,/ прося́щим тя пода́ждь исцеле́ние, да зове́м:/ ра́дуйся, о́тче Иоанни́кие.
Сщмч. Никандра. Тропарь, глас 4.
Му́ченик Твой, Го́споди, Ника́ндр,/ во страда́нии свое́м ве́нец прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами/ спаси́ ду́ши на́ша.
Блж. Симона Юрьевецкого. Тропарь, глас 8.
Я́ко вои́стинну гла́са апо́стольскаго/ послу́шатель был еси́, блаже́нне Си́моне,/ Христа́ бо ра́ди изво́лив име́ти бу́йство,/ в не́мже соблю́л еси́ твоя́ к Бо́гу доброде́тели, посреде́ молв некра́домы,/ терпе́нием у́бо пачеесте́ственным Христа́ подража́в,/ посрами́л еси́ льсти́ваго всю горды́ню,/ тем и в лю́тых ра́нах, я́коже дре́вний Ла́зарь,/ в не́дра Авраа́мля пресели́лся еси́,/ иде́же и ны́не утеша́яся, посеща́й град твой,/ почита́ющий любо́вию святу́ю па́мять твою́.
Кондак, глас 4.
Возгоре́вся раче́нием Го́рним,/ же́стость во́льнаго юро́дства па́че всех сла́дких ми́ра предпоче́л еси́,/ отону́дуже повину́ся ти огнь,/ от его́же запале́ния град твой Ю́рьевец изба́вил еси́,/ и во́ды немо́кренно, я́ко по су́ху, преше́л еси́,/ и хотя́щия бы́ти предре́кл еси́,/ просла́вльшу тя та́ко Бо́гу,/ к Нему́же моля́ся, и о нас, пою́щих тя,/ блаже́нне Си́моне, помина́й.
Прп. Меркурия, постника Печерского, в Дальних пещерах. Тропарь, глас 5.
Присносу́щныя, блаже́нне, жела́я сподо́битися жи́зни,/ пра́ведне и непоро́чне/ жи́знь свою́ препроводи́л еси́ в ны́нешнем ве́це,/ те́мже, Мерку́рие, жела́емаго ты дости́г,/ моли́ и нам ве́чныя сподо́битися жи́зни.
Кондак, глас 8.
Преподо́бному во всех де́лех Го́сподеви преи́скренне рабо́тая,/ и Óнаго всегда́ в це́ркви преподо́бных Свои́х/ преподо́бным воспева́я гла́сом,/ насле́дил еси́, преподо́бне Мерку́рие, ча́сть преподо́бных,/ с ни́миже моли́ся о всех нас.
Свт. Павла, митр. Тобольского. Тропарь, глас 3.
Просла́вим, ве́рнии, благоче́стие возлюби́вшаго/ и от ю́ности и́го Христо́во усе́рдно восприи́мшаго,/ ре́вностнаго святи́теля Це́ркве Росси́йския,/ в Богоспаса́емом гра́де Тобо́льске подвиза́вшагося./ Ты же, Богому́дре о́тче Па́вле,/ те́лом у́бо в нетле́нии почива́я,/ ду́хом же Престо́лу Бо́жию предстоя́,/ моли́ спасти́ся всем нам.
Кондак, глас 8.
Звезду́ церко́вную, от Ки́ево-Пече́рския Ла́вры возсия́вшую/ и чрез Но́вград в Сиби́рскую страну́ дости́гшую,/ иде́же ре́вностно служе́нием свои́м сия́ющую,/ святи́теля почти́м,/ Тобо́льския митропо́лии столе́тие венча́вшаго:/ ра́дуйся, о́тче Па́вле, всея́ Сиби́ри чудотво́рче.
Святаго священноинока Григория. Тропарь, глас 4.
Боже́ственную ти ра́ку обстоя́ще, прему́дре,/ зове́м ти, преподо́бне:/ ко Влады́це всех и Зижди́телю моли́ся/ изба́вити нас от бед,/ и́же ве́рою и любо́вию тебе́/ душа́ми и сердцы́ воспева́юще досто́йно:/ сла́ва ти, преподо́бне всеблаже́нне Григо́рие.
Кондак, глас 8.
Го́рдаго врага́ ты низложи́л еси́/ посо́бием держа́вне Боже́ственнаго Ду́ха/ и побе́ду прие́м кре́пце,/ му́ченическим оде́явся неувяда́емым, венце́м свы́ше, Богому́дре, всеблаже́нне,/ сего́же ра́ди зове́м ти:/ ра́дуйся, о́тче Григо́рие. https://youtu.be/-bMwQbFA5fU
07:58
Следующая публикация
Нет комментариев