ադրիդի «Ռեալի» ավագ Սերխիո Ռամոսը խոսել է «Յուվենտուսի» դեմ Չեմպիոնների լիգայի եզրափակիչում կայանալիք առաջիկա խաղի մասին:«Երկրորդ տարին անընդմեջ Չեմպիոնների լիգայի գավաթը նվաճելը մեզ համար պատմական կլինի, ու մենք հիմա կրկնակի ենք մոտիվացված այդ գործում, քանի որ ցանկանում ենք, որ պատմության մեջ միակ թիմը լինենք, որ նման ցուցանիշ է գրանցել:Որպես ավագ՝ ինձ համար դա երազանքի իրականացում կլինի ու ես հանգիստ կարող եմ նույնիսկ մահանալ՝ իմանալով, որ մենք կարող ենք անել դա: Չեմպիոնների լիգայի երեք գավաթ չորս տարում նվաճելը կլինի ուղղակի ֆանտաստիկ:Մենք այն թիմը չենք, որ միշտ գովասանքի է արժանանում, սակայն եթե այս տարի առանձնացնենք մեր հատկություններից ամենատպավորիչը, ապա դա մեր հետևողականությունն է: Դա մեզ օգնեց Լա լիգայի չեմպիոն դառնալու գործում: Բարդ ժամանակահատվածներում մենք նաև ցույց տվեցինք ինքներս մեզ: Մենք հանդես եկանք որպես թիմ, հիանալի ու առողջ մրցակցային մթնոլորտում, իսկ Զինեդին Զիդանն այս ամենի թելն իր ձեռքերում պահեց»,- ասել է Ռամոսը:
Нет комментариев