Әйт әле син хәзер, калдымы соравың?
Хәтерләсәң элек булганын.
Кем белән син идең, оҗмах бакчасында,
Җан биреп кадерләп торганың.
Ә түгелме үзең: -Ирек!- дип кычкырган?
-Яңалык дип атап, шайтаннар тутырган,
Кайда соң ул илең?Бәхет күргән җирең,
Кешедән ерткычлар тудырган,
Син хәзер ирекле, чүп басты кырларың,
-Нигә ?-дип салынды кулларың?
Сүнделәр авыллар. калка тик каберләр,
Чит җирдә эш эзли улларың.
Илең юк, җирең юк, хәрәбә өстеннән,
Хәтерләрне юып үткәннәр.
Улларыңны алып, сугыш - утка салып,
Нигезең корытыр итәләр.
Сораулар үзеңдә, җавабы күзеңдә,
Яшь каплый ирексез күзләрне,
Син ирек теләдең. нинди ул белмәдең
Йөрәгең шушыңа түзәме..?
Әйт әле син хәзер!Бүген син ирекле?
Өстеңә карчыга кунганмы,
Канатың каерылган, туганнан аерган,
Әйт әле калдымы соравың?
Рамзис Мишәр.
Присоединяйтесь к ОК, чтобы посмотреть больше фото, видео и найти новых друзей.
Нет комментариев