Җитмеш чакрым ерак юл түгел.
Ничек кенә рәхәт яшәсәм дә,
Ашкына бит шунда гел күңел.
Урамнардан атлыйм салмак кына,
Төрле уйлар йөзә башымда.
Үзем дә бит, сизмичә дә калдым
Басып торам зират каршында.
Бисмилламны әйтеп ачып кердем,
Әти-Әнием кабере янына.
Укыдым мин Ясин,Тәбәракне
Тынычланды күңелем шунда гына.
Чәчәкләрем әле шиңмәгәннәр,
Төрле төстә нурлар сибәләр.
Тик каеннар гына саргаешып
Моңсуланып башын игәннәр.
Әти,Әни килдем сизәсезме,
Сезнең җылы җитми җаныма.
Менә хәзер кабер ачылырда,
Чыгарсыз күк минем яныма.
Догаларны укыйм көн дә сезгә,
Кабул булып төшкә керәләр.
Йөрәктәге авыр хәсрәтләр дә,
Инде акрын гына үтәләр.
Кемнәр генә монда күмелмәгән,
Һәрберсе дә изге урында.
Тынычлыкта булсын урыныгыз,
Туган туфрагымның куенында.
Күзләремне төбим кыйблага,
Күңелемдә дога юллары.
Җәннәтләрне насыйп итсен сезгә
Бир, Ходаем иман нурлары.
Гөлсинә Камалова.Казан шәһәре.2023 ел.
https://chat.whatsapp.com/FpK9GAruEmdAOkFo0EOxmj
Присоединяйтесь к ОК, чтобы посмотреть больше фото, видео и найти новых друзей.
Комментарии 44
Амин