Предыдущая публикация
Мәхәббәтем минем - пар канатым
Син җылысы минем җанымның
Сихри моңы минем күңелемнең
Моңлы сазы йөрәк кылымның.
Айлы төннең якты йолдызы Син
Алсу нуры минем таңымның
Сандугачы минем күңелемнең
Илһамчысы туар җырымның.
Син...Әйе, Син - мине яшәртүчем
Күңелемә моңнар салучым
Болыт каплап алса күгемне
Җилләр булып аны таратучым.
Авыр чакта мине юатучым
Иңнәремә канат куючым
Күзләремнән күзләреңне алмый
Сөеп туялмыйча яратучым.
Мәхәббәтем минем - пар канатым
Син...Әйе Син - алтын тәхетем
Рәхмәт Сиңа! Мең-мең рәхмәтләрем!
Юлларыма чыккан бәхетем.
Рүзилә Гатауллина
Следующая публикация
Нет комментариев