Кемпир чал картайып, бү дүйнөдөн өтөөрүндө 6 баласын өздөрүнө чакырып, керээздерин айтышып, үй оокаттарын, тапкан жыйнаганын, инилерин туңгуч уулу Аскарга табыштап, анан көз жумушуптур..
Аскар өзү акылдуу болгону менен, бош, зени жок бала болуп, алган аялы дагы жаман чыгыптыр. Аскар өзүнүн иниси Курманбекти өзүнө жардамчы кылып алып, баягы чал кемпир Союз, Советтен калган мал мүлктү 15 жыл мүлжүшүптүр.
Бир күнү Курманбек бир туугандарын уюштуруп, Аскарды үйдөн кууп чыгып, өзү кожоюн болуп, иниси Алмазды өзүнө жардамчы кылып алыптыр. Бирок бул бактылуу күндөр болгону 5 жылга созулуп, Алмаз менен Курманбек кызыл чеке болуп мушташып, агасын үйдөн кууп чыгып, эрге тийгенче бийлеп тур деп эжеси Розага үйдүн ачкычтарын карматыптыр. Жыл айланбай баягы Алмаз эки тизгин бир чылбырды өзү колго алып, иниси Сооронбайды өзүнө жардамчы кылып алыптыр. Баягы акаси канкор Курманбектен чачылгандан калган байлыкка Алмаз да 6 жыл мас болуп, сен чарбачылсың деп, иниси Сооронбайга үй иштерин өткөрүп бериптир. Бирок экөөнүн ынтымагы жыл айланбай ыдырап, кийлигише берген агасы Алмазды атканага камап салыптыр. Сооронбай деле сонун иш алып барбай, баягы Алмаз агасы бийликти менден тартып алып коёт деп кудукка салдырып салган кенжеси Садыр ордон чыгып, агасы Сооронбайды сый эле отура бер деп , өзү кожоюн болуптур. Күндөрдүн биринде тың чыккан Садыр эң улуу агасы Аскарды чакырып кечирип, андан соң баягы атканага кериле байланып калган Алмаз агасын бошотуптур. Кийин 6 бир тууганын чогултуп, кечиришели, ынтымакка келели. Ушу силердин айыңардан баягы Курманбектен калган кара Бука менен Алмаздын ала букасы сүзүшүп, анысы аз келгенсип, Сооронбайдын союшка жарап калган көк торпогу дагы бир жагынан жиреп кирсе, Өмүкемдин өгүздөрү дагы өгөйлөнүп падага кошулбай айламды алты кетирди. Анан дагы баягы жээн Адахан Мадумаровдун макүштөрү менен менин дакан короздорум чокуша берип тажатты. Иштетпейт, келгиле мал жандарыбызга чогу көз салалы деп, баштарын бириктирген экен...
Деп чыгарма жазса болчудай окшойт???
Присоединяйтесь к ОК, чтобы посмотреть больше фото, видео и найти новых друзей.
Нет комментариев