Поро йÿлашке савырнен ий гыч ийыш Марий Эл Республикынан рÿдолаште Морко мастарлыкым ончыкташ. Тидлан Шкетан театр дене поро ваш-кыл ышталтын.
Тений 7 апрельыште тиде сай шонымаш илышышке шыҥдаралте, Зал тичак ончаш толшо калык чумырген ыле. Морко район гыч тиде концертыш 160 наре артистым чумырымо.
«Шочмо велын мурсемже» манын лÿмдымő концертна тений Морко районын 100 ий темме вашеш пőлеклалтын.
Концерт радамыште шочмо кундемна дене кугешнымаш кумылым кажне артист почын пуаш тыршыш, вет шукынжо тиде кундемыштак шочын-кушкыныт, ешым погеныт, тышанак тукымвожым шуят.
Тиде кечынак вуйлатыше радам гычат поро да шергакакн унана-влак лийыч: тиде Морко муниципальный рафон вуйлатыше, депутат –влак погын вуйлатыше С.М.Иванова, Марий Элысе Кугыжаныш Погынын депутатше Н.В. Пушкина да Марий Элысе Кугыжаныш Погынын депутатше , «Передовик» сельхозартель вуйлатыше Ю.А.Игнатьев. Нуно чыланат поро шомакым арист-влаклан, ончаш толшо калыклан да Морко кундемлан умбакыжымат тыныс канде кава йымалне утларак тÿзланаш тыланымашым каласышт. Концерт мучаште мутым Йошкар Оласе Морко землячествым вуйлатыше В. И.Андреев нале. Тудо чылалан тауштымаш шомакым каласыш.
Концерт программыште мурышо, куштышо , фольклор ансамбль-влак лийыныт: тиде В.П.Лазарев лÿмеш калык академический хор, «Морко кундем», «Куан памаш» , «Ялкын», Кужер хор, «Куван кече»( Унчо вел), «Музыкальная шкатулка» йоча ансамбль.
Куштышо ансамбль кокла гыч шукыштлан палыме «Рвезылык» ансамбль, йоча сымыктыш школ пеленсе «Калинка» образцовый йоча ансамбль, калык фольклорым Тыгыде Морко тÿвыра пőрт пеленсе « Шÿмсем аршаш» , Шлань ял гыч «Эр кече» ,Кучко Памашын «весела кова» влакше почын пуышт.
Концерт программым чыла вечынат почын пуымо. 2024 ий -Еш идалык , сандене еш ансамбль- влак шке мастарлыкыштым ончыктышт . Тат чодраял гыч Хамидуллинмыт еш : акаже Рамзия, шольыжо Динарт да тудын пелашыже Айсылу, нунын уста гармоньчо Айнур эргышт. Калык совым рÿж кырен нуным вашлие. Тыгак Токташевмыт еш-тиде марий эстрада мурызо Эльвира Токташева Юлия ÿдыржő дене, тудын кугу акаже Алевтина Сашенька ÿдыржő дене, авашт Зинаида да эше тукым шÿжарышт- Анна калык кумылым савыренак нальыч.
Посна мурызына-влак ыльыч: И.Борисов , Р.Никифоров, Т.Музурова, А.Гинатуллина, О.Григорьева,А. Сидоров, Н.Кузнецова.
Шочмо вер нерген почеламут корнылам Александр Цветников мастарын почын пуыш.
Морко тетрын артистше-влак Л.Кириллова ден Г.Хрисамов. воштылтыш кумылым пуртышт.
Ȍрдыжеш кодаш огеш лий кызытсе саманын илыш-пőрдемжым.- Украин сар Россий калыкланат кугу нелылыкым конда - самырык эрге –влак тыныс верч шке вуйыштым пыштат, еш – пелаш деч посна, икшыве ача дечпосна кодыт Тидлым шарнен концертыште посна ужашым ойырена , тушто пÿтынь чон корштымынам почын пуаш тыршена,
Морко районыштына тÿрлő калык ила: руш, татар , марий. Сандене концерт гоч калык келшымаш кылым ончыкташ тыршена.
Ончаш толшо калыкын порын вашлиймышт да тауштымо поро шомакышт кажне артистлан шерге, а тыгай мут концерт деч вара шукышт дечын йоҥгыш.
Нет комментариев