Предыдущая публикация
Тымарте миен омыл сарыш ик ганат,
Киношто веле тудым, шучкым, ужынам.
А кызыт ынде шке, дрон дечын шылын,
Коремыште рок ден варналтын пӧрдалам.
Мыняр гын кодынна,-вуй нӧлталаш огеш лий,
Чыла орудий ден,, укроп-влак"шелыштыт, лӱйкалат. Мемнаж гын кушто рен.тв ден моктымо оружий?!-
Тыге чылаштым вет мемнам
,, В расход" колтат!
Мый колынам,пеш йырымлат Россий канал ден,
Ме пуйто пеш мастарын СВО-м эртарена.
Да нимогай каналлан пешак ит ӱшане!-
Ме иктӧр украин салтак ден пытена.
Ида ӱшане, йолташ-влак, шоя экранлан,
Вет тушто ик чын мут уке, чыла шоя!
Ойлат, ме ончык каена, лочкен нацистым,-
Но кумшо ий нигӧ ок сеҥе,кредална.
Мемнам, йолташ, шонем, пешак чот ондаленыт.
Тӱҥалныт сарым калык пытараш, улмаш...
Мемнан патрон уке,вургем-нимо ок сите!
А генерал мильон ден шолыштыт,улмаш!
Ом тол докан мый ынде тиде йырнык сар гыч,
Кузе,ом пале,окружений гыч лекташ... Илен лектам гын, да толам мари мландемыш.
Москош каем...
Кремль капкам
Приклад ден шелышташ.
В. Комаров
30 май 2024 ий
.
Следующая публикация
Нет комментариев