Җылы көтә һаман... Наз көтә
Шул җылыны, назны көтә-көтә
Гомер дигәнебез үтә-китә.
Дөнья мәшәкате баштан ашкан
Кая инде вакыт назланырга?...
Дисез, беләм... Күпләр шулай диләр
Эх, шул вакытны каян табырга?...
Тынгы тапмый, үрсәләнә җаннар
Нидер эзли...Көтә...Ашкына
Сөю-назда...Язда...Мәхәббәттә
Тели шул ул яшәп калырга.
Тели шул ул җылы сүзләр белән
Таң атканын, кояш батканын...
Сөю тулы карашлары белән
Йокылардан кемдер уятканын...
Дөнья мәшәкатен оныттырган
Җылы караш көтә күңелләр...
Эх, нигә соң, нигә елмаерга
Ашыкмыйлар безнең иреннәр?...
Ник җәллибез икән җан җылысын?
Яшерәбез иң саф хисләрне?...
Ник әйтмибез исән чакларында
Якыннарга җылы сүзләрне?...
Килә бер көн... Көтмәгәндә генә
Хушлашмый да китә якыннар...
Эх, бер җылы сүз әйтә алмадым диеп
Үкси- үкси елый күпме җаннар.
Нигә шулай икән?... Исән чакларында
Без җәллибез җанның җылысын???...
Рүзилә Гатауллина
Присоединяйтесь к ОК, чтобы посмотреть больше фото, видео и найти новых друзей.
Нет комментариев