Бирок аны бардык эле аялзаты биле бербейт.
Активдештирилген көмүр
10 даана активдештирилген көмүрдү майдалап эзип, май басып катып калган идишке шыбап 5-10 мүнөт күтөсүз. Убактысы келгенде идишке жылуу суу куюп дагы 15-20 мүнөт тыныктырасыз. Андан соң катуу щётка менен жышып жууп коёсуз.
Уксус
Май сиңип саргыч тартып калган мискейге 4 аш кашык уксус жана 1 стакан жылуу суу куюп жай отко коюп 2 саат кайнатасыз. Ушундан кийин катып калган майлар өзүнөн өзү күбүлүп түшө баштайт. Калганын губканын жардамы менен жышып сүртөсүз. Уксустун ордуна лимон кычкылын же лимондун өзүн колдонсоңуз болот.
Белизна
Идишке 1 стакан муздак суу менен 1 аш кашык белизнаны куюп кайнатып, капкагын жаап бир сутка калтырасыз. Бирок идиш тазаланган соң 5-6 жолу жакшылап жууп салыңыз. Бул ыкманы сыр идиштерди тазалоодо колдонсоңуз болот.
Сода
Чакан мискейге 3 аш кашык сода салып, үстүнө 3 стакан ысык суу куюп жай отко 15-20 мүнөт кайнатасыз. Андан соң оттон алып суусун төгүп же суусу муздагыча күтүп ошол эле сууга жышып жууй берсеңиз болот.
Туз аралашмасы
50-70 грамм туз, 100 грамм уксус жана 1 стакан сууну аралаштырып кир болгон идишке куясыз да, отко коёсуз. Кайнап чыккан соң 2 чай кашык соданы кошуп аралаштырып, оттон аласыз. Бир аз муздаган соң катуу губка менен жышып жууп салыңыз.
Айрандын сары суусу
Саргарып калган мискейге толтуруп сары суудан куюп 2 сутка кармаңыз. Убактысы келгенде сары сууну төгүп щётка же катуу губка менен жышып жууп салыңыз. Бул ыкма менен жаңыдан саргарып келе жаткан идиш-аяктарды тазаласаңыз болот.
#Окуп жана бөлүшүңүз
Присоединяйтесь к ОК, чтобы посмотреть больше фото, видео и найти новых друзей.
Нет комментариев