Предыдущая публикация
Бәлки минем соңгы сөюемдер,
Кабат булмас янып-көюләр.
Бәлки башка татый алмас инде,
Сөю тәмен кайнар иреннәр.
Яшьли сөйгән ярлар онытылган,
Акыл белән килгән ярату,
Кадерлесе бәлки шул сөюдер,
Мөмкинме соң аны аңлату.
Моны ярат, бусын сөймә диеп,
Буламы соң кушып йөрәккә.
Сорап тормый бездән, ишек какмый,
Карамый ул синең теләккә.
Бары килә, бары урап ала,
Күңелеңне керсез хисләрең.
Ул чагында күрәсең син бары,
Зур тормышнын алсу төсләрен.
Гөлнар Әхмәтҗанова, Чүпрәле районы, Иске Ишле авылы. 12.07.24.
Присоединяйтесь к ОК, чтобы посмотреть больше фото, видео и найти новых друзей.
Комментарии 10