Предыдущая публикация
БӨДӨНӨНҮН ЖУМУРТКАСЫ ЭС ТУТУМДУ ЖАКШЫРТАТ.
Бөдөнөнүн жумурткасы абдан пайдалуу экенин көпчүлүк билгени менен, бардыгы эле кандайча пайдалуу экенин биле беришпейт. Ал диеталык азыктарга кирет, иммунитетти бир калыпта кармап турууга шарт түзөт. Аны чийки абалында да ичүүгө болот. Анткени бөдөнөнүн жумурткасында сальмонеллез (жумурткалар аркылуу жуккан оору) менен ооруп калуу коркунучу жок.
Бөдөнөнүн жумурткасы айрыкча жаш балдардын организмине абдан пайдалуу. Маселен, Японияда окуучуларга мектепте эртең мененки тамакта сөзсүз бөдөнөнүн жумурткасын беришет. Анткени мыйзам деңгээлинде милдеттүү түрдө кабыл алуу жүктөлгөн. Себеби, бөдөнөнүн жумурткасы эс- тутумдун жакшырышына жана өнүгүүсүнө жакшы таасирин тийгизет.
Мындан сыркары, бөдөнөнүн жумурткасы улгайган адамдар үчүн да пайдалуу. Алардын дагы эс тутумун калыбына келтирип, жигердүүлүктү камсыздап, тиштин жана чачтын түшүүсүн кечеңдетет.
Курамында жогорку деңгээлдеги витаминдер тобу бар
Бөдөнөнүн жумурткасы биологиялык жигердүү кошулма витамин катары эсептелинет. Курамында А, В1,В2 жана Д витаминдери бар. Андыктан тоок жумуркасына караганда пайдалуу заттары көбүрөөк.
Көптөгөн кичи элементтерге бай
Тооктун жумурткасына караганда бөдөнөнүн жумурткасынын курамында 5 эсе көп фосфор, калий, жез, кобальто, никотиналык кислотасы жана табылгыс аминокислотага бай келет. Бул кичи элементтер акыл- эс тутумдун жакрышына, теринин өңүнө чыгуусуна жана кандагы холестериндин деңгээлин ылдыйлатууга эң мыкты таасир берет. Ошондой эле потенцияны калыпка салат.
Дарылык касиетке ээ
Бөдөнөнүн жумурткасы бактерияларга каршы жана иммундук системаны туруктуу кармап туруучу касиетке ээ. Аз кандуулук, баш оору, астма, ашказан жарасы, кан басымдын көтөрүлүшүндө жана сасык тумоого бат- баттан кабылып турсаңыз күн сайын эретең мененки тамакта бөдөнөнүн жумурткасын бышырып жеңиз.
Аллергия козгобойт.
Тооктун жумурткасы айрым учурларда адамдын аллергиясын козгогон учурлар кездешет, бирок, бөдөнөнүн жумурткасы аллергияны козгобойт. Жаш балдарда жана чоң адамдарга деле козголбойт. Тескерисинче аллергиядан арылууга себепчи болот.
Досторуңуз менен бөлүшүңүз....
Следующая публикация
Нет комментариев