Бу матур вакыйга иҗатчының тууына 125 еллык булуына багышланган иде. Бирегә Мөхтәр Ауэзовның иҗатын сөючеләр, аның белән танышырга теләүчеләр һәм аның әсәрләрен ныклар өйрәнгән, тәрҗемә иткән кешеләр җыелды.
Мөхтәр Ауэзовның китабын җәмәгатьчелеккә күрсәтү әлеге кунаксыз мөмкин түгел иде. Сүз бөек язучының улы – танылган казах культурологы Мурат Ауэзов турында бара. Очрашуда ул татар һәм казах халкының борынгыдан килгән тыгыз элемтәләре һәм әдәби яктан тугандаш булулары турында сөйләп китте. Милли китапханәдә Мөхтәр Ауэзовның әлеге вакытта якынча 56 китабы, аның иҗатын өйрәнгән башка бик күп төрле китаплар саклана. Бүген исә Мурат әфәнде китапханә базасын тагы да яңа, эксклюзив китаплар белән баетте, аларны татар укучыларына бүләк итте.
«Безгә Мөхтәр Ауэзовның инглиз телендәге тәрҗемә китапларын беләбез. Әлеге вакытта «Абай» романы инде өченче тапкыр кытай теленә тәрҗемә ителә. Алар үзләре тәрҗемә белән канәгать түгел. Классик әсәрләр бит һәрвакыт үзенчәлекле, четерекле мөнәсәбәт сорый. Кинәт, тел ягыннан үз проблемаларына ия булган татар дөньясында шундый яхшы тәрҗемәче барлыкка килә һәм Мөхтәр Ауэзовның 3 әсәренә бер утыруда камил тәрҗемә ясый. Бу бит язмыш!», - дип фикере белән бүлеште ул.
Мөхтәр Ауэзовның күпчелек әсәрләре дөньяның 30 чит телләренә тәрҗемә ителгән. Татар телендә исә аны тәрҗемәче, КФУ доценты Гайнуллина Гөлфия Расил кызы булдырды. «Тәрҗемә өстендә хезмәт куйганда, минем өстәлдә һәрвакыт Әмирхан Еники китаплары торды. Бу юкка гына түгел. Язучы һәрвакыт мәдәнияткә, әдәбияткә зур ихтирам һәм хөрмәт белән караган, һәр сүзне мәгънә белән баеткан, һәр җөмләне уйлап язган. Мин дә, Ә. Еники сыман, Мөхтәр Ауэзов язган һәр сүзенә игътибар иттем, аның уйларына төшенергә һәм хисләрен җиткерергә тырыштым», - дип тәрҗемә нечкәлекләрен сөйләде Гөлфия ханым.
Шулай ук китапны тәкъдим итү очрашуына М.О. Ауэзов исемендәге әдәбият һәм сәнгать институтының халыкара әдәби элемтәләр бүлеге мөдире, Казахстан язучылар берлеге идарәсе әгъзасы Светлана Ананьева, филология фәннәре докторы, профессор Хатыйп Миңнегулов, Казахстан Республикасының Казан шәһәрендәге генераль консулы Искаков Ерлан, Татарстан Республикасы мәдәният министры урынбасары Натфуллин Дамир чакырылды. Әлбәттә, зал әдәбият белгечләр, галимнәр, китапханә җитәкчеләре, Казахастан һәм Татарстанның җәмәгать эшлеклеләре һәм журналистлар белән тулы иде.
Бүгенге очрашу әдипченең иҗатын искә алу ниятеннән генә уздырылмады дип җавап бирде оештыручылар. Иң беренче чиратта, ул татар һәм казах халыкларының милли һәм әдәби бәйләнешен саклап калуга, ерак араларыбызны тагы да якынайтыгу юнәлдерелгән. Бу очрашу, гомумән Мөхтәр Ауэзовның әсәрләре моның ачык дәлиледер дә.
Присоединяйтесь к ОК, чтобы посмотреть больше фото, видео и найти новых друзей.
Нет комментариев