АЗЫРКЫ ҮЙ-БҮЛӨЛӨРДҮН АБАЛЫ ТУУРАЛУУ
Сыртынан караганда баары бактылуу, ичине кирсең баары бактысыздай😔
Мурда балдарды коомдогу эл да тарбиялап турчу. Сөгүнүп сүйлөгөнүн уккан улуулар: - Ай, сен Акматтын баласы белең? Уят эмеспи бул кылганың? - деп эскертип, же кулактан чоюп үйүнө жөнөтүп койчу. Эртеси атаңа да айтып, атаң келип "эмнеге мени уят кыласың эл ичинде, башка кайталаба" - деп турчу....
100 чарчы метр үйдүн ичинде балдарыбыз менен байланышыбыз жок! Үй-бүлөнүн ар бир мүчөсү ар башка бурчта телефон, телевизор жана компьютердин алдында отурушат.
Үй ичинде ар ким өзүнө таандык субмаданият кургандыктан жана ар түрдүү маалыматтардан азыктанышкандыктары үчүн бир эле үйдө жашап, бирок түшүнчөлөрү, көз караштары бири-биринен айырмаланган ӨЗҮНЧӨ ЖАҢЫ ҮЙ-БҮЛӨЛӨРДҮН ТИБИ ортого чыга келди.
Садиктеги балага да телефон берип койсоңуз кечке чейин өзү жалгыз отура берет!
Мурдалары биз фудболду бут менен тээп ойногонбуз. Азыркынын балдары сыртка чыгып, короодо телефон менен фудболду бармактары менен тээп ойноп отурушат. Үйдө телефон ойноп отурган баланы сыртка куусаң, сыртка чыгып дагы эле кыймыл жок, ошол телефон менен отурат...
Келечекте кыйналбасын деп бала кезинен бир канча тилди үйрөтүп жатабыз. Бирок булардын жанында ата-энебиз бизге үйрөткөн БИР ТИЛДИ үйрөтө албадык. Ал - КӨЗДӨРҮБҮЗ МЕНЕН СҮЙЛӨШҮҮНҮН ТИЛИ.
МУРДАЛАРЫ
Ата-энебиз көзү менен тиктеп койсо түшүнөт элек...
Азыркыларга көз эмес, сөз менен айтсаң да түшүнбөй жатат....
ДЕМЕК
ҮЙДӨ ТЕХНИКАНЫ ТОКТОТУП БААРЛАШУУНУ БАШТАЙЛЫ, УРМАТТУУ АТА-ЭНЕЛЕР!
Үйгө келгенден баштап телефонду таштап, балдар менен баарлашалы. Ансыз да бир маалга чейин чукуп жатып кеч уктайбыз.
БАЛДАРЫБЫЗ ЭРТЕ МЕНЕН ӨЗДӨРҮ ТУРУП, ӨЗДӨРҮ КИЙИНИП МЕКТЕПКЕ КЕТИШИП ЖАТЫШАТ. ЭРТЕ ТУРУП ЧАЙ БЕРГЕН АПАЛАР АЗАЙЫП КЕТТИ.
АЗЫРКЫ АПАЛАР БАЛДАРЫНА БАГУУЧУ АПАГА (НЯНКАГА) АЙЛАНЫП БАРАТЫШАТ. Анткени нянкалар бирөөнүн баласын жедирет, ичирет, уктатат, тазалайт, урбайт, урушпайт, айлык алат кетет...
06.11.2019 Идрис акын
Присоединяйтесь к ОК, чтобы посмотреть больше фото, видео и найти новых друзей.
Нет комментариев