Нарадзіўся 19 ліпеня 1915, у весцы Якелеўшчына (цяпер не існуе ў Ашмянскім раёне Гродзенскай вобласці) ў сялянскай сям’і.
Вучыўся на аддзяленні славянскай філалогіі і этнаграфіі гуманістычнага факультэта Універсітэта Стэфана Баторыя ў Вільне. У Вільні далучыўся да групы студэнтаў, якая выдавала часопіс «Золак», ідэалагічна набліжаны да эсэраў. Спяваў у беларускім студэнцкім хоры пад кіраўніцтвам Рыгора Шырмы.
Па далучэнні Заходняй Беларусі да БССР працаваў настаўнікам на Ашмяншчыне. Арганізаваў у Ашмянах першую беларускую сярэднюю школу, настаўніцкія курсы.
У 1941 арыштаваны органамі НКВД, вызваліўся з турмы ў выніку налёту нямецкай авіяцыі. Падчас нацысцкай акупацыі у Мінску стаў загадчыкам Беларускага гістарычнага музея (потым — Краязнаўчы музей), працаваў школьным інспектарам.
З 1944 ў Германіі. У 1950-x пераехаў у ЗША.
Актыўны ўдзельнік жыцця беларускай дыяспары ў ЗША. Шматгадовы старшыня Беларуска-Амерыканскага задзіночання, член рэдакцыі газеты «Беларус», член Беларускага інстытута навукі і мастацтва ў Нью-Ёрку.
Аўтар дзясяткаў артыкулаў, успамінаў, некралогаў апублікаваных у газетах «Бацькаўшчына» і «Беларус».
Памёр 7 студзеня 2017 (101 год!). Пахаваны на беларускіх могілках Божай Маці Жыровіцкай у Іст-Брансуіку ў штаце Нью-Джэрсі.
Присоединяйтесь к ОК, чтобы посмотреть больше фото, видео и найти новых друзей.
Нет комментариев