18 ліпеня 1803 ў Каралішчавічах (цяпер мінскi мікрараён Шабаны) нарадзілася Ганна Цюндзявіцкая з Прушынскіх (польск. Anna Ciundziewicka) – аўтарка кнігі «Літоўская гаспадыня, ці навука аб утрыманні ў добрым стане хаты…»
Выйшла замуж за маршалка шляхты Барысаўскага павета Юзафа Цюндзявіцкага.
Ганна спраўлялася не толькі з роляй маці і гаспадыні. Яна назірала, як сяляне трымаюць гаспадарку: даглядаюць худобу, захоўваюць прадукты, шыюць адзенне і гатуюць прысмакі. Усё гэтае збірала і запісвала, каб у рэшце рэшт выдаць пад адзінай вокладкай у 1848 у Вільні кнігу: «Літоўская гаспадыня, ці навука аб утрыманні ў добрым стане хаты…»
У асобных раздзелах кнігі распавядаецца пра тое, як трэба даглядаць кароў, валоў, авечак, свінняў, птушку; як трэба захоўваць вяндліны, саліць мяса і рыбу, вырабляць масла і сыры, пекчы хлеб, рабіць салодкія прысмакі і алкагольныя напоі. Даволі аб’ёмная частка кнігі прысвечана выкарыстанню касметыкі.
Кніга сем разоў выдавалася на польскай мове і ўжо два – на беларускай. Ганну можна смела назваць самай папулярнай жанчынай-аўтаркай з беларускіх земляў першай паловы ХІХ.
Апроч «Літоўскай гаспадыні» падрыхтавала да друку «Гаспадарчы штогоднік», які двойчы выдаваўся ў Вільні ўжо пасля яе смерці, а таксама напісала, але ўжо не паспела выдаць, кнігу пра лячэнне сялян.
Памерла Ганна ў росквіце жыццёвых сіл, ў 1850 (47 гадоў).
Присоединяйтесь к ОК, чтобы посмотреть больше фото, видео и найти новых друзей.
Нет комментариев