Предыдущая публикация
Барыгызга да исәнлек-саулык, озын гомер, нык сәламәтлек, кояшлы көннәр, аяз күк йөзе, гаиләләрегезгә иминлек, илләребезгә тынычлыклар алып килсә иде бу бәйрәм иртәләре!
*********************
БӘЙРӘМ БЕЛӘН!
Котлап безнең һәммәбезне
Хезмәт, Яз бәйрәме белән,
Шомыртлар ак күлмәк кигән,
Җәйгән җиргә яшел келәм.
Игенчеләр кырга чыккан,
Җиргә сала алтын орлык.
Бүген яз тантана итә,
Хезмәттә тоеп хозурлык.
Май бәйрәме--яз бәйрәме--
Табигатьнең яңаруы.
Иркәләп уята аны
Кояшның алтындай нуры.
Сөендерә аналарны
Балаларның шат көлүе,
Тыныч күк йөзе астында
Якты таң атып килүе.
Халкымның батыр уллары
Тынычлыкны саклый бүген.
Капламасын сугыш уты
Илебезнең аяз күген!
//Рәсимә Ильясова
Присоединяйтесь к ОК, чтобы посмотреть больше фото, видео и найти новых друзей.
Нет комментариев