Предыдущая публикация
к1айчу говрана хьан лар гойтур ю,
гуьйре ляттачу нохчийн аренгахь
дашо малх новкъа боккхур бу.
ас хьан б1аьрхих седанаш тардийр ду,
юьртан йисттехь цхьа ирзу доккхур ду,
шовда1еначу нохчийн хьаннашкахь
дуьне къинт1ера сайна доккхур ду.
ас хьан б1аргех г1ала юттур ю,
хилларш, лайнарш сиха дицлур ду,
1аьно к1ай йинчу нохчийн ярташкахь
со-цхьаъ дахарна дуьхьал х1уттур ю.
хаза хилла хьо кхин а хазлур ву ,
бала лайна со къинойх ц1анлур ю,
вайшиъ декъалдеш, 1уьренан олхазар декар ду,
к1айчу говро шен туьйра дохьур ду.
дашо г1арг1улеш ц1ехьа йоьрзур ю,
цара б1аьстенан хазал йохьур ю,
б1аьсте йоьлучу нохчийн лаьмнашкахь
ас хьан ойланца сайн ирс дуьйцур ду.
Присоединяйтесь к ОК, чтобы посмотреть больше фото, видео и найти новых друзей.
Нет комментариев