Предыдущая публикация
ԿՅԱՆՔԸ ԿԱՐՃ Է ...
ԻՄ ՇԻՐԻՄԻ ՄՈՏ...
Երբ կթաղեք ինձ, իմ շիրիմին շատ եմ խնդրեմ ձեզ, իսկի՜ չլացեք,
Թողեք փակ մնա սրտիս դուռը, հին ու նոր վերքերս էլ մի բացեք:
Ես միշտ լացել եմ իմ ամբողջ կյանքս, ամեն մի լացող աչքի հետ,
(ախ, երանի վերանա ինձնից հետո աշխարհից արցունքը հավետ):
Երբ կթաղեք ինձ, խնդրու՜մ եմ, իմ շիրիմին ծաղիկներ էլ չբերեք,
Աղաչո՜ւմ եմ, ոչ մի չքնաղ ծաղկի կյանք իզուր կիսատ չթողնեք:
Ծաղիկներն էլ ապրել կուզեն, թողե՜ք հասնեն իրենց մուրազին,
Նրանց ցողուններն էլ լացել գիտեն, մի՜ մոռացեք այդ մասին:
Երբ կթաղեք ինձ, իմ շիրիմին սիրուն ծաղկեպսակներ էլ չդնեք,
Բարի եղեք, միայն իմ սիրած ծաղիկների սերմերից շաղ տվեք:
Արհեստականը չե՜մ սիրում, թո՜ղ բուրող բնականը միշտ ծաղկի,
Ծաղկանց մեջ եմ հաճախ թաքցրել արցունքները իմ դառը լացի:
Երբ կթաղեք ինձ, իմ շիրիմին ողորմաթասեր էլ հանկարծ չխմեք,
Ճիշտ ու սխալ խոսքերով, հանգչած հոգուս անդորը չխանգարեք:
Իմ կյանքը եղել է գիրք֊դրամա, իսկ դա սաստիկ ցավալի հուշ է,
Միայն աղոթե՜ք հոգուս համար, քանզի արցունքն այստեղ անուժ է:
Երբ կթաղեք ինձ, իմ շիրիմին ոչ մի տխուր ու ցավալի երգ չերգեք,
Ինչ երգերով եմ ես իմ վիրավոր սրտին ամոքել, ոչ մեկդ էլ չգիտեք:
Ես հաճախ եմ հովերին պահ տվել լացակումած գրած երգերը իմ,
Հույսով եմ նրանք երբեմն կգան, ու կերգեն իմ երգերը՝ իմ շիրիմին:
Երբ կթաղեք ինձ, իմ շիրիմին խունկ ու մոմեր էլ պետ չի, որ վառեք,
Սիրտս հոգս ու ցավերից մոխրացել էր, էլ ծուխ ու մոխիր մի խառնեք:
Միայն մի խնդրանք ունեմ բոլորիցդ, աղաչում եմ սիրով կատարեք,
Սիրե՜ք ու ներե՜ք իրար, ոչ մեկդ մյուսի աչքից՝ արտասուք երբե՜ք չհանեք:
Գյուլնարա Դուրգարյան:
Следующая публикация
Комментарии 55
Երկար տարիներ հուզմունքից,ու տառապանքից,իմ արցունքները քարացել էին,
Բայց,երբ կարդացի ,քո այս տողերը,քար արցունքներս,նորից իրական արցունքներ դառձան,
Ես հուզվեցի,հուզվեցի անչափ,
Մի բան քեզ խնդրեմ,ապրի քեզ տված կյանքը միշտ ուրախ,
Հիացած եմ,մի բանի համար,որ ճիշտն էս արտացոլել ,դրանով իսկ տալով այս գեղեցիկ արարումիդ իմաստ ու կենդանություն,
Շատ ապրես,
Հիանալի արարում է։
Ապրի կյանքով քո հպարտ,
Մենք հյուեր ենք աշխարհում,
Եկանք տեսանք,որ գնանք։
Քույրիկս ամեն ինչ,կամքով է ընթանում,
Մեր երկնային տիրոջ,
Տերը քեզ պահապան,
Ալվան ծաղիկ ՋԱՎԱԽՔՅԱՆ։
ՀԱՐԳԱՆՔՆԵՐՍ ՅՈՒՐԻ ՄԱԼԽԱՍՅԱՆ,ՋԱՎԱՂՔԻ ՈՐԴԻ։
ՇԱՏ ԹԱԽԻԾ ԿԱՐ ԱՄԵՆ ՄԻ ԽՈ-
ՍՔԻ ՄԵՋ։ ՇԱՏ ՑԱՎՈՏ ԷՐ։ ԱՌԱՆՑ
ԱՐՏԱՍՈՒՔՆԵՐԻ ԵՍ ԱՅՆ ՉԿԱՐՈ-
ՂԱՑԱ ԿԱՐԴԱԼ։ ՊԵՏՔ Է ՔԱՐԻՑ
ՍԻՐՏ ՈՒՆԵՆԱԼ, ՈՒ ԴԻՄԱՆԱԼ
ԱՅՍ ՎՇՏՈՏ ԱՐԱՐՄԱՆ ԻՄԱՍՏԸ
ՎԵՐԼՈՒԾԵԼՈՒՑ։ ՀԵՂԻՆԱԿԸ ԱՅ-
ՆՊԵՍ Է ՍՏԵՂԾԱԳՈՐԾԵԼ ՈՐ ԳԸ-
ՐԱՎՈՒՄ ՏԱՆՈՒՄ Է ԻՐ ԶԳԱՑՄ-
ՈՒՆՔՆԵՐԻ ԱՇԽԱՐԸ, ԴԱՐՁՆՈՒՄ
ԻՐ ՄՏՔԵՐԻՆ, ԱՊՐՈՒՄՆԵՐԻՆ։
ՀԻԱՑԱԾ ԵՄ ՁԵՐ ԱՅՍ ՀՐԱՇԱԼԻ
ԱՐԱՐՈՒՄՈՎ։ ԿԵՑԵՔ, ԲՌԱՎՈ,
ԲՌԱՎՈ, ՄԵՐ ՀԱՐԳԱՐԺԱՆ, ԵՎ
ՍԻՐԵԼԻ ՊՈԵՏ։ ՑԱՆԿԱՆՈՒՄ ԵՄ
ՁԵԶ ՔԱՋ ԱՌՈՂՋՈՒԹՅՈՒՆ, ԵՐՋԱ-
ՆԿՈՒԹՅՈՒՆ, ԵՎ ՀԱՋՈՂՈՒԹՅՈՒ-
ՆԵՐ ԱՄԵՆ ԻՆՉՈՒՄ։ ԱՇԽԱՐՀԻ
ԱՄԵՆԱԼԱՎՆ ՈՒ ԲԱՐԻՆ, ԳԵՂԵ-
ՑԻԿԸ, ԹՈՂ ՁԵՐ ՀԵՏ ԼԻՆԻ ՄԻՇՏ։