Вакилони палатаи поёнии парлумони кишвар имрӯз, 10-уми июн тарҳи иловаҳо ба Кодекс ҷиноӣ ва маъмурироро қабул карданд.
Бар асоси яке аз бандҳои иловашуда ба Кодекси маъмурӣ барои сайругашт бе ниқоби тиббӣ дар вақти пандемия дар ҷойҳои ҷамъиятӣ ба андозаи аз 2 то 5 нишондиҳанда, яъне аз 116 то 290 сомонӣ ҷарима пешбинӣ шудааст.
Мувофиқи тағйироти дигар ба Кодекси маъмурӣ пахшкунандагони ахбори ғалат дар расонаҳо ва шабакаҳои интернетӣ дар бораи пандемия ҷарима мешаванд. Ҷарима барои шахсони воқеӣ аз 580 сомонӣ то 1160 сомонӣ ва барои шахсони ҳуқуқӣ аз 8700 сомонӣ то 11 600 сомонӣ пешбинӣ шудааст.
Инчунин мувофиқи тағйирот ба Кодекси ҷиноии кишвар, шахсоне, ки боиси паҳн шудани бемории хавфнок мегарданд, аз 2 то 5 сол ва дар сурати такрор аз 5 то 10 сол зиндонӣ карда мешаванд.
Тарҳи иловаҳо аз ҷониби Вазорати адлияи Тоҷикистон пешниҳод шудааст.
#сенукта #бидончиромебини #Точикистон #Internews #Euforeignpolicy #коронавирус #коронавирусдарточикистон #саломати #дархонабимонед
Присоединяйтесь к ОК, чтобы посмотреть больше фото, видео и найти новых друзей.
Нет комментариев