Дар ҷомеа инсонҳое вуҷуд доранд, ки зоҳиран инсонсуратанд, вале аз инсоният бӯе набурдаанд, ҳадафашон бар ҳар қиммате набошад ҷамъ овардани пулу сармоя аст. Ба хотири заррае қонеъ намудани ҳоҳиши чизпарастиву ҳарисии хеш аз ҳеҷ қабоҳате намепарҳезанд. Иддае аз онҳо ҷиҳати расидан ба ин ҳадаф ба ҷинояти башарӣ ҳам даст мезананд аз қабили фуруши маводи мухаддир, фуруши аслиҳа, ба роҳ андохтани бархурдҳои иҷтимоӣ, ғасби сарзамини дигарон ва куштори мардумон ва амсоли ин. Иддае ҳам дасташон дар кисаи мардумон аст ва аз дуздиву аз худ кардани ҳаққи дигарон хешро бартару афзалтар эҳсос мекунанд ва бо ин роҳ ҳамеша дар ғорати дигарон қарор мегиранд.
Як қисми дигарашон аз ҳарисии хеш ба сиёсатфӯрушиву сиёсатмаобӣ ва мағзшӯии иҷтимоӣ машғуланд. Барои онҳо ҳеҷ чизе арзиш надорад ҷуз қонеъ намудани ҳисси сарваталабӣ ва мансабталошиву расидан ба қудрат. Ин гуруҳ аз дин ҳарф мезананд ва кафки даҳон мепарронад, аммо он фақати василаи расиданашон ба ҳадаф аст, аз миллат ҳарф мезананд, аммо дар мухолифи арзишҳои миллӣ қарор мегиранд, аз озодӣ ҳарф мезананд, вале мағзашон, идеяашон ба асри ҳаҷар ва дунёи ғуломдорӣ мансуб аст. Агарчи хешро дар сурат мудерн вонамуд месозанд, вале андешаашон ба даврони ҳазорон сол пеш мансуб аст.
Ин тоифа аз ҳуқуқи инсон ҳарф мезананд вале то ҳол инсон ва инсониятро дарк накардаанд. Корашон танҳо дуруғпраоканиву тавтеасозӣ. Дар дуконашон рӯзе дин мефурӯшанд, рӯзе миллат мефурушанд. Рузе бозори ҳуқуқи башарро мегардонанд. Тиҷорат мекунанд. Ба фуруши ҳама арзишҳои инсониву пушти позадани онҳо маблағ ҷамъоварӣ месозанд. Барояшон ҳамин лаҳза муҳим аст, ки чи маблағеро дастрас менамоянд. Албатта чунин хислат мансуб ба фарориёни наҳзатист.
Наҳзатиҳо ки гирифтори васвасаи мансабхоҳиву манфиатҷӯианд, аз ҳар ҳолат мехоҳанд обрӯи муфт кор кунанд ва худро маҳбуби мардумон ба намоиш дароваранд. Барои онҳо ҳеч чизе арзиш надорад ҷуз баровада кардани ҳисси ҳарисии хеш. Барои ҳамин ҳамарӯза ҷуз дуруғбофӣ кори дигареро балад нестанд. Аз ин бармеояд, ки барои нафарони ҳарис ҳеҷ як арзиши инсонӣ муҳим нест.
Самандари Њаким
Присоединяйтесь к ОК, чтобы посмотреть больше фото, видео и найти новых друзей.
Нет комментариев