Гәйшә (радыяллаһу ганһә) әйтә: «Пәйгамбәребез ﷺ Рамазанның соңгы 10 төненторгыза иде (гыйбадәт кылуда бик нык тырышлык куя, намаз укый, күп итеп Коръән укый), гаиләсен дә өнди иде. Изарын кысып куя иде» (Бохари-Мөслим риваятьләре).
Икенче хәдистә: «Пәйгамбәребез ﷺ бүтән көннәргә караганда соңгы 10 көндә тырышлыгын (гыйбадәт кылуда) тагын да арттыра иде» диелә. Димәк, Рамазанның соңгы 10 көнендә гыйбадәтләребезне, итагатебезне арттырырга тырышырга кирәк. Күбрәк нәфел намазлары укыйк, Аллаһыны зекер итик, тәүбә-истигъфар кылыйк, Коръән укыйк. Пәйгамбәребез эшләгәнчә, без дә гыйбадәтләребезне арттырыйк, төннәребезне — намазда, көннәребезне Коръән укуда үткәрергә тырышыйк. Гаиләләребезне дә шуңа юнәлтикк, бигрәк тә, соңгы 10 көндә. Бу бик зур форсат, аның кадерен аңласак, белсәк иде. Әгәр Рамазанның алдагы 20 көнендә Коръәнне укып чыкмаган булсак, гыйбадәтләребезгә җиңел караган булсак, шушы соңгы санаулы көннәрдә гыйбадәтләребезне арттырырга тырышыйк. Коръәнне укып бетерик яки тагын бер кат укып чыгыйк.
Намазларыбызда кимчелек булса, төннәребезне намазда үткәрик. Бәлки, шушы гыйбадәтләрне торгызганда, Кадер кичәсенә ирешербез. Сәхабәләр дә бу төннәрен намазда үткәргән.
Якындагы мәчеттә җәмәгать белән төнге намазларда катнашсак, тагын да хәерлерәк булыр. Мәчет булмаса, өйдә гаиләгез белән тәравих намазларын укырга тырышыгыз. Арып китсәк, утырып Коръән укыйк. Коръән укырга форсат булмаса, Аллаһы тәгаләне зекер итик, тәүбә-истигъфарлар кылыйк. Пәйгамбәребез ﷺ сыйфатлары белән сыйфатланыйк, соңгы 10 көнне гыйбадәттә үткәрик. Аллаһы Сөбханә тәгалә шундый тәүфыйк бирсен: соңгы 10 көннең кадерен белеп, гыйбадәттә үткәрергә насыйп итсен, шушы гыйбадәттә булган сыйфатта Кадер кичәсен дә үткәреп җибәрергә язсын. Кадер кичәсен гыйбадәттә үткәреп, Аллаһы тәгалә бу көнгә кадәр кылган гөнаһларыбызны кичерсен иде. Аллаһы тәгалә безнең гыйбадәтләребезне кабул итеп, барыбызны да Үзенең фирдәвис җәннәтләренә кертсә иде!
Присоединяйтесь к ОК, чтобы посмотреть больше фото, видео и найти новых друзей.
Нет комментариев