Бохари һәм Мөслим җынтыгындагы хәдистә пәйгамбәребез ﷺ әйтте: «Ислам дине биш нәрсәгә нигезләнә: шәһадәт китерү — Аллаһыдан башка гыйбадәт кылырга лаеклы һичбер илаһ юк һәм пәйгамбәребез Мөхәммәд ﷺ Аның хак рәсүле; намазны торгызу, намаз уку; зәкят бирү; хаҗ кылу; Рамазан аенда ураза тоту».
Рамазан аенда ураза тоту фарыз булуына әлеге хәдис олуг бер дәлил булып тора. Ураза — ислам диненең бер әркәне, Аллаһы тәгаләнең фарызы, әмере. Үзен мөселман дип санаган һәр кеше, әгәр сәламәтлеге булса, Рамазан аенда ураза тотарга бурычлы. Бу — Раббыбызга якыная торган бер гыйбадәт. Әйе, һәр кеше дә тәмле ашарга-эчәргә ярата. Ә менә ураза тоткан вакытта ул үзе ярата торган ләззәтле әйберләрне калдырып, Аллаһы тәгалә ризалыгы өчен Аңа итагать итә, буйсына. Бу — уразаның беренче хикмәте.
Икенче хикмәте — тәкъвалыкта, Аллаһы газабыннан куркуда, Аңа якынаюда. Чөнки Аллаһы тәгалә «Бәкара» сүрәсендә әйтә:
«Йи иман китергән бәндәләр, сезгә кадәр кавемнәргә фарыз булган кебек, сезгә дә ураза фарыз булды. Бәлки сез тәкъвалардан, (ягъни Аллаһыдан куркучылардан) булырсыз».
Уразаның тәкъвалыкка сәбәп булуы — икенче хикмәт.
Өченче хикмәте — нәфесеңне тәрбияләү, тыелу. Син үзеңнең нәфесеңне яраткан әйберләрдән, ризыктан тыелырга өйрәтәсең.
Дүртенче хикмәте — Аллаһы тәгалә биргән нигъмәтләрнең кадерен белү, шөкер итү, әкыйрьләрнең хәлен аңлау. Дөнья йөзендә тормыш хәле төрле булган кешеләр яши бит, кардәшләрем. Бар фәкыйрь-мескеннәр, ашарларына булмаганнар да. Ураза тоту, ач тору — әнә шундыйларның хәлләрен аңлауга бер сәбәп. Уразаның бишенче хикмәте — аның сәламәтлегебез өчен файдасы булуында. Ураза тотканда безнең тәнебез, организмыбыз ял итә, чистарына. Бу да, шулай ук, Аллаһы тәгаләнең бер хикмәте.
Присоединяйтесь к ОК, чтобы посмотреть больше фото, видео и найти новых друзей.
Нет комментариев