Предыдущая публикация
Агар живчах харид чидов ца бифчат
Ту дамтиро лапаф тидов ца бифчат
Ту ишкандо агар мидов ца бифчат
Ту чатум вуз а чонбиц ик ди чучат
Замона тирчибир чидов ца бифчат
Хитерз аз осимон видов ца бифчат
Ту ишкандо фукаф зидов ца бифчат
Ту чатум вуз а чонбиц ик ди чучат
Агар живчах тар бозор ца вувчат
Харид чидов ви бе такрор ца вувчат
Фукардум лаки нодаркор ца вувчат
Ту чатум вуз а чонбиц ик ди чучат
Замона мурд агар хапхин ца сувчат
Арангач кинимис ширин ца сувчат
Агар марг мурд тучат зарвин ца сувчат
Ту чатум вуз а чонбиц ик ди чучат
Ту чатум вуз агар фикрони сувчат
Ту ишкандум йи умр зиндони сувчат
Ту бахтандум агар акони сувчат
Ту чатум вуз а чонбиц ик ди чучат
Ата Fайрат ту ишканд пир ца суджмис
Агар ям умр таговат тир ца суджмис
Агар ям зиндаги бад гир ца суджмис
Ту чатум вуз а чонбиц ик ди чучат
Агар дунё арангач бевафо сод
Нахо Fайратта аз чонбиц чудо сод
Ту ишкандо йи умрандир гадо сод
Ту чатум вуз а чонбиц ик ди чучат
Fайрат курбоншоев
Следующая публикация
Комментарии 140