Предыдущая публикация
Çеçпĕл тусĕсем
Хĕпĕртет ман чĕре сăвăсем вуласан,
Вăй кĕрет чунăма Çеçпĕле асăнсан.
Шухăша пуçтарса эп çыратăп сăвва
Парнелетĕп таса чĕрери туйăма.
Тусусем сан нумай чаплăран чаплисем,
Юлташсем пулмасан пит кичем пурăнма.
Эс çакна пĕчĕклех ăнланса илсенех,
Кăмăллан чи çывăх туссене пуçтарма.
Сан чунна пусарма пултарать вăл пулсан,
Ăшăнти туйăмна калама май пулсан,
Эс унпа калаçма пĕр чĕлхеллĕ пулсан,
Эс ăна тус тесе калама пултаран.
Сусметпа эс вĕреннĕ пĕрле пĕр класра.
Уесри ялсене эс тухса çÿреме
Çыхлантарнă вĕт Слесарев ятлă çынна.
Юлташ саншăн чи çывăх, çакна кам пĕлмест.
Сан хутна кĕрекен çынна тупрăн пулсан,
Инкекрен хăтарма та вăл çитрĕ пулсан,
Ун çине таянма шанчăк тупрăн пулсан,
Эс ăна тус тесе калама пултаран.
Никаноров сана кĕнеке вулама
Илештернĕ пулсан тарават кил-çуртне.
Пултарайрăн пулсан туслашса ал пама
Вашават çынсене. Эс пĕлен тус вăйне.
Тавлашса ăс пама пултарайрĕ пулсан,
Ыр тумашкăн ялан саншăн хатĕр пулсан,
Пĕр-пĕрне ыр сунса туслаштарчĕ пулсан,
Эс ăна тус тесе калама пултаран.
Бекшанскисем патне час-часах эс çÿрен,
Тавлашан, калаçан, хăв чунна пусаран.
Комсомол ячейки йĕркелес тĕллевпе
Ирттерен юлташпа пухусем мăй таран.
Тĕнчере чи кирли туслăх тетĕн пулсан,
Пурнăçу яланах ăнса пытăр тесен,
Кулленех сан çумра телей пултăр тесен,
Упрасам эс тусна, шырасам – пулмасан.
Кекен ялĕ, Никифорова Мелания.
Следующая публикация
Нет комментариев