Предыдущая публикация
Напси деген түгөнбөгөн балакет,
Болсун,болсун тойбой кылдык аракет.
Дүнүйөнүн жетсек гана түбүнө,
Өткөн күнгө салып көрсөк сарасеп.
Үстүндө үй,минген атың, машинаң,
Көп акчаны тапсам экен жашыман.
Ойлободук садаканы берууну,
Ачка отурат,нанга муктаж кошунан.
Болсун дедик,беш манжаны матырдык,
Дүнуйо үчүн,жүрөктөрдү катырдык.
Канча ошентип кылсак дагы түбү жок,
Боз кепинден башка эмне ашырдык...
Дүнүйө деп акыретти куруттук,
Напси үчүн ибадатты унуттук.
Бой көтөрбө,шайтан досу текебер,
Кичи пейил,жакшы мүнөз улуктук.
Үйүн калат ,кабат салган тамдарын,
Аздектеген буюмдарын ,балдарын.
Ээ боло албай ошол баалуу унаага,
Табыт сенин унаан болот ардагым.
Жер үстүндө жүрсөк бүгүн чалкалап,
Эртең ажал, топуракка алпарат.
Өзүн гана бейитине жатасың.
Эч ким сени куткаралбайт калкалап.
Кел бурадар сонун өмүр сүргүлө,
Бир-биринди Аллах үчүн сүйгүлө.
Жакшы,элпек кулк-муноздуу болууну,
Эсиңерге чыгарбастан туйгуло.,
Следующая публикация
Нет комментариев