***
Узоқ узоқларга келади учгим
Келади ёшимни қайнатиб ичгим.
Қаршимдаги ёвни танийман, бироқ
Ортимдан тиғ уриб келаётган ким?!
***
Тилингда тиғлайсан дилим сўясан,
Кўзингда ғажийсан кўзим ўясан.
Мен сенга қўшилиб ўзимни едим
Мен тўйдим, бироқ сен қачон тўясан?!
***
Билсанг бугунги кун, бу кун бугунмас,
Чигал туйғуларим тугун, тугунмас.
Менинг ўзгаришим мумкинмас, мумкин,
Сенинг ўзгаришинг мумкин, мумкинмас!
***
Тун, рангим топмадим тонглардан,
Туш, рангим топмадим ўнглардан.
Мен рангсиз ранггимни изладим,
Йўқликка чизилган ранглардан...
***
Қўл ушлаб юрай деб тенг бўлиб қолдим,
Ғурури озорга кенг бўлиб қолдим.
Мен сени "сиз"ликка қайтараман деб,
Мен сизга сиз эмас "сен!" бўлиб қолдим.
Абдуллоҳ Юсуф.
Присоединяйтесь к ОК, чтобы посмотреть больше фото, видео и найти новых друзей.
Нет комментариев