Предыдущая публикация
Сарымсак чәчәк атмасын
Июнь азагы-июль башында сарымсак чәчәк атарга әзерләнә, аны өзәргә кирәк. Юкса үсемлек бар көчен орлыгын өлгертүгә бирә, ә төбен үстерергә соңара.Сарымсакның чәчәк кыягын бөтерелә башлаганчы өзү дөрес. 10 см озынлыкта үскәч, кисеп чыгыгыз. Үсемлеккә зыян килмәсен өчен моны кояшлы иртәдә кайчы яки секатор белән эшләгез. Кояшта җәрәхәт тиз кибә, гөмбәле авырулар куркынычы тумый. Берничә төптә чәчәк кыягын өзми калдырырга була. Ул — сарымсакның өлгерү барометры. Аның вак орлыкларны җыйган элпәсе ачыла башласа, сарымсакны казырга вакыт. Ул орлыкларны көзен утыртып калдырыгыз, болай сортны яңарта алачаксыз. Сарымсакның орлыгын 3 ел саен яңартырга кирәк.
Следующая публикация
Нет комментариев