Предыдущая публикация
18 апрелдә Х.
Фәтҡуллин исемендәге Дыуан-Мәсетле урта белем биреү мәктәбендә Украинала махсус хәрби операция барышында һәләк булған яҡташыбыҙ Бурансы ауылы егете Азамат Булат улы Хабибуллин иҫтәлегенә мемориаль таҡтаташ асыу тантанаһы үтте.Сарала Башҡортостан Республикаһы башлығы хакимиәте етәксеһенең урынбаҫары Искәндәр Рәүеф улы Әхмәтвәлиев, Мәсетле районы хакимиәте башлығы Әнис Касим улы Әсәҙуллин, Дыуан, Мәсетле һәм Салауат райондары буйынса хәрби комиссар Рәфис Рикза улы Фәтихов,мәғариф бүлеге вәкилдәре, мәктәп уҡытыусылары һәм уҡыусылары, ауылдаштары, ата-әсәһе, дуҫтары һәм туғандары ҡатнашты.
Дыуан-Мәсетле урта мәктәбендә Азамат Хәбибуллин 11 класс тамамлаған. Уҡытыусылар уны ҡыйыу, ғәҙел, ихлас һәм ярҙамсыл егет, ышаныслы иптәш һәм яҡшы дуҫ итеп хәтерләй. Ул тырыш уҡыусы була. Йәмәғәт һәм спорт тормошонда әүҙем ҡатнаша.
Рәсәй Армияһы сафында хеҙмәт иткәндән һуң Башҡорт дәүләт аграр университетына ситтән тороп уҡырға инә, эшләй. Өлөшләтә мобилизацияға 2022 йылдың сентябрь айында саҡырыла. Мотоуҡсылар ротаһы мотоуҡсылар взводының рядовой Пулеметсыһы Азамат Хәбибуллиндың ғүмере 2023 йылдың ғинуарында фажиғәле рәүештә өҙөлә.
Махсус операция барышында күрһәткән фиҙакәрлеге һәм батырлығы өсөн Искәндәр Рәүеф улы Азаматтың ата – әсәһе Булат Рәшит улы Һәм Әлфиә Сәләх ҡыҙына генерал Шайморатов наградаһын тапшырҙы.
Яугирҙарҙең иҫтәлегенә мемориаль таҡтаташ асылғандан һуң, бер минут тынлыҡ менән хөрмәтләп, мемориалға сәскәләр һалынды.
Следующая публикация
Нет комментариев