Предыдущая публикация
Чӱктыш тылзыжым каваште
Тымык водын умыр кас.
Нигӧлан мый ом каласе,
Вучымемжымат эр-кас.
Шӱшпыкат мурен ок чарне,
Кас кеҥежым - тургым жап.
Йомдарен кужеш кычалме,
Таҥын йомын увержат.
Тымык касын урем дене
Пиаланла эртынем.
Шылше, йомшо шӱм таҥ деке,
Мый ом кай - пытен тынем.
Чӱчкалтен йӱлалше шӱдыр
Корным ончыкта мылам.
Весе - йӧраталше ӱдыр,
Тудым пелашлан налам.
Петыраш тӧча шем пылже -
Ойырен кертеш, ала.
Шып иеш каваште тылзе -
Пиалнам чот арала.
Следующая публикация
Комментарии 2