Предыдущая публикация
Асыл ногай аргымагым шапкан эл,
Эдил йылга бесик болып сыйланган.
Яйык бойы сансыз малын баккан ер,
Ата Юртым деп ногайым мактанган
Терме курып уьйкен халкым яшаган,
Авлаклары кенъ яйылган ян-якка.
Койлар сойып толтырмалар ашаган,
Аты-даны белгили ди коьп халкка.
Йигитлер ат кулакта ойнаган,
Ат шабыста бир-бирине еткермей.
Баьтирлери тувган элин саклаган,
Душпанларды дазувлардан оьткермей.
Ясы уьйкенлер коьрим болып ясларга,
Тербияга уьйкен маьне бергенлер,
Кардашлык-дослык пан арада
Татым болып яшав йолын суьргенлер.
Алтын болып йылтыраган ордамыз,
Бир заман да явдынъ колы тиймеген.
Эдигеден энши алган мырзалар,
Хан авлагын мине мен деп бийлеген.
Присоединяйтесь к ОК, чтобы посмотреть больше фото, видео и найти новых друзей.
Нет комментариев