=
Эй нафсим! Көз көргөндү сурабагын,
Күнөөлүү, жаман ишти самабагын.
А көрө, илим үчүн ышкым болчу,
Жакшы адам болгум келет, суранамын.
Кайтарып тар жолдорго кайрып келбе.
Жүрөктү жакшылыкка сугарайын.
Жаныма тынчтык бербей калсаң кээде,
Ташкалып, келет сени кубалагым.
Тилимден, колумдан да, иштеримден,
Зыяным тийбесе экен өзгөлөргө.
Жараткан, кур калбайын кечиримден,
Кек сактап жүргөн болсо, кимдир-бирөө.
Оо, нафсим! Топук кылгын буюрганга,
Кубанба, байлык болуп жыйылганга.
Ден-соолук адам үчүн асыл байлык,
Андан да, ыйман болсун Жаратканга.
Текебер болбо, менин курган нафсим!,
Жалкоолук жолдош кылып тыйган нафсим.
Тек сенин арзыбаган каалооң үчүн,
Бейиштен кур калбайын, сүйгөн нафсим!
Мансапты арзуу кылып жүрбө, нафсим!,
Мактоону мандат көрүп, сүйбө нафсим!.
Ааламдын Өкүмдарын ачуулантып,
Алсызга мыйыгыңдан күлбө, нафсим!.
Автор: Нур Билал кызы
Присоединяйтесь к ОК, чтобы посмотреть больше фото, видео и найти новых друзей.
Нет комментариев