Предыдущая публикация
Баскан эзләреңне үбәр идем ,
Йөргән юлларыңа тезләнеп.
Эзләреңне эзләп табалмагач,
Искә төште әйткән сүзләрең:
Шаулый - шаулый да - бер тына,
Кеше гомерләре карурман.
Исән чакларымда еш кайтыгыз,
Сагынып эзләрсез дә мин булмам...
Кайтамын дип хәбәр салып, әни,
Кайтмый калган чаклар булгандыр.
Шул сүзләрне көйләп әйткән чакта,
Күзләреңә яшьләр тулгандыр.
Шаулый - шаулый да - бер тына,
Кеше гомерләре карурман.
Исән чакларымда еш кайтыгыз,
Сагынып эзләрсез дә мин булмам...
Ашыгыплар дөнья куабыз шул
Тормыш мәшакәте бер олау.
Үпкәләп лә китмәделәр микән?
Җанга тынгы бирми шул сорау.
Шаулый - шаулый да - бер тына,
Кеше гомерләре карурман.
Исән чакларымда еш кайтыгыз,
Сагынып эзләрсез дә мин булмам ...
Рауза Сафиуллина-Хафизова
#укы
Следующая публикация
Нет комментариев