Ўзбекистон терма жамоаси яна бир поғона юқорилади, Аргентина пешқадам, Испания 3-ўринга кўтарилди.
ФИФА расмий сайти терма жамоаларнинг янги рейтингини эълон қилди. Унга кўра, Ўзбекистон терма жамоаси бу сафар 61-поғонага юқорилаган.
Сречко Катанец шогирдлари 2023-йилни 68-ўринда якунлаган бўлса, Қатарда ўтган Осиё кубогидан кейин 66-ўринга кўтарилганди. Март ойидаги ФИФА кунлари доирасида Гонгконг терма жамоасига қарши ЖЧ-2026 2-саралаш босқичидаги ғалабалардан кейин (2:0, 3:0) Ўзбекистон терма жамоаси ЖЧ-2026 ҳал қилувчи саралаш босқичи ва Осиё кубоги-2027 мусобақасига йўлланмасига эга чиқиб, рейтингда 64-ўринга юқорилаганди. ЖЧ-2026 2-саралаши доирасидаги Туркманистон (3:1) ва Эрон (0:0) билан ўйинлардан кейин вакилларимиз яна икки поғона юқорилаб, 62-ўриндан жой олди.
Июль ойида эълон қилинган рейтингда эса Ўзбекистон 61-ўринга кўтарилган.
ФИФА рейтингида Аргентина терма жамоаси 1-ўринда бормоқда, Франция 2-ўринда қолди. Европа чемпионига айланган Испания 8-ўриндан 3-поғонага кўтарилди. Англия эса 5-ўриндан 4-ўринга чиққан. Бразилия 5, Бельгия 6-ўринга пастлаган. Нидерландия (7), Португалия (8), Колумбия (9) ва Италия (10) ўнликдан жой олган.
Осиё жамоалари ТОП-10лик орасида эса вакилларимиз 8-ўриндан жой олган. Япония қитъада пешқадам саналади – 18-ўрин, Эрон (20) ва Жанубий Корея (23) учликда. Австралия (24), Қатар (34), Ироқ (55), Саудия Арабистони (56), Ўзбекистон (61), Иордания (68) ва БАА (69) ва жой олган.
Маълумот учун, Ўзбекистон терма жамоасининг ФИФА рейтингидаги энг яхши натижаси – 45-ўрин бўлиб, вакилларимиз 2006/2007-йилларда ушбу ўринда қайд этилганди.
Присоединяйтесь к ОК, чтобы посмотреть больше фото, видео и найти новых друзей.
Нет комментариев