Sen ham o'zga yurtda ishlab ko'rdingmi,
Och qolib qattiq non tishlab ko'rdingmi,
Erkak bo'lib ko'zing yoshlab ko'rdingmi,
Ey musofirlarni yomon deganlar.
Yoqasi oqarmas deb, g'iybat qilibsan,
Kosasi oqarmas deb, rosa kulibsan,
Essiz gunoxlarga botib yuribsan,
Ey musofirlarni yomon deganlar.
Sovuq kunda tinmay ishlab ko'rdingmi,
Bola chaqa oilang, tashlab keldingmi,
Musofirni yomon deb yaxshi bo'ldingmi,
Ey musofirlarni yomon deganlar.
Aslo havas qilib ketmaydi ishga,
Umrin tikib qo'ygan oila boqishga,
Haqqing yo'q musofirni yomon deyishga,
Ey musofirlarni yomon deganlar.
Qizing so'rab kelsa bermayman debsan,
Qora ishchi deya zarda qilibsan,
Mard yigitni yomon deb, nomard bilibsan,
Ey musofirlarni yomon deganlar.
Men ham musofirman oddiy bir inson,
Rozg'or tebratyabman bo'lsam ham sarson,
Musofir emassan shukur qil nodon,
Ey musofirlarni yomon deganlar.
Присоединяйтесь к ОК, чтобы посмотреть больше фото, видео и найти новых друзей.
Нет комментариев