ЯҢА – ҺИҖРИ 1446 ЕЛ БЕЛӘН, МӨСЕЛМАН КАРДӘШЛӘР!
✅ 07.07.2024 – МӨХӘРРАМ аеның беренче көне. Димәк, яңа 1446 ел башлана. Мөхәррам аеның беренче 2 көнендә ураза тотучыга 1 ай ураза тоту савабы булыр❗
✅ МӨХӘРРАМ АЕның 10 нчы көне (15 июль – кичәсе, 16 июль – көне) ГАШУРА көне – зур бәйрәм❗
Пәйгамбәребез Мөхәммәд ﷺ һәм сәхабәләр, бу көнне мөбарәк санап, ураза тотканнар. Бу көнне ураза тотсаң, бер еллык гөнаһларың ярлыканыр. Бу көндә изгелекләр кылучыга, сәдака бирүчегә Аллаһа Тәгалә күп савапларын бирер. Әгәр бер гөнаһ кылса, каты газап бирер.
🤲 Аллаһы Тәгаләнең газабыннан сакланып, УЛ риза булырлык гамәлләр кылып, Аның рәхмәтенә ирешергә насыйп булсын. Әәмиин!
МӨХƏРРƏМ аенда күп итеп хәер (зәкят) бирелә, изге гамәлләр кылына.
Пәйгамбәребез ﷺ әйткән:
✍️ “Рамазан аеннан соң ураза өчен иң хәерле ай – ул МӨХӘРРӘМ ае”.
/📚 Мөслим.
✅ МӨХӘРРӘМ – БИК МӨКАДДӘС АЙ. Ул ай Коръәндә һәм сөннәттә искә алына. Мөхәррәм – 4 хәрам айларның берсе. Коръән Кәримдә болай дип әйтелгән:
إِنَّ عِدَّةَ الشُّهُورِ عِندَ اللّهِ اثْنَا عَشَرَ شَهْرًا فِي كِتَابِ اللّهِ يَوْمَ خَلَقَ السَّمَاوَاتِ وَالأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلاَ تَظْلِمُواْ فِيهِنَّ أَنفُسَكُمْ
🤲 Иннә гиддәһүш-шүһүүри гыйндәллааһи әснәә гәшәдә шәһран фии китәәбилләәһи йәүмә халәкась- сәмәәвәәти үәл-әрдъ минһәә әръбәгәтү хүрумү-мәликәддиинүл- каййәәмү фәләтәзълимүү фиһииннәә әнфүсәкүм.
🤲 /Аллаһ хозурындагы китапта айлар саны 12. Җирне һәм күкләрне яраткан көннән бирле, ул 12 айдан 4-се сугыш хәрам булган айлар (зөлкагъдә, зөлхиҗҗә, мөхәррәм, рәҗәб айлары). Ошбу хөкемнәр туры дин, ул 4 айда үзегезгә золымлык кылмагыз.
/“Тәүбә” с. 36а.
✅ Ибн Габбас р.г. әйткән:
✍️ “Аллаһ бөтен айларда золымлык эшләүне тыйды, әмма Аллаһ 4 ай турында ассызлыклап әйтте, начар гамәл кылсаң, гөнаһ арттырылып языла, изгелек кылсаң, әҗер-савап арттырылып бирелә”.
✍️ “Айларның саны 12, шул айларның 4-се хәрам айлар булып санала, 3-се чиратлашып киләләр: Зөкагъдә, Зөлхиҗҗә, Мөхәррәм, ә 4нче ай Раҗәб һәм Шәгъбән арасында”. /📚 Бохари.
✍️ “Рамазан аеннан соң ураза өчен иң хәерле ай – ул Мөхәррәм ае!”
/📚 Мөслим.
‼️ УРАЗА – БӨЕК ГЫЙБАДӘТ. Аллаһы Тәгалә хәдистә әйткән:
✍️ “Ураза – Минем өчен хас гыйбадәттер. Аның әҗерен Үзем бирермен”, – дигән.
✅ Намаз, зәкят һәм хаҗ гыйбадәтләре дә Аллаһ өчен, ләкин уразаның үзенчәлеге – АЛЛАҺ белән МӨЭМИН АРАСЫНДА СЕР БУЛУда, шуның өчен аның әҗере дә олы.
⁉️ Ни өчен уразаны Аллаһы Тәгалә белән мөэмин арасындагы яшерен гыйбадәт дип әйтәбез?
Намаз укысак, зәкят бирсәк, хаҗга барсак, моннан адәмнәр хәбәрдар була, әмма ураза тотканыбызны фәкать үзебез һәм Аллаһы Тәгалә генә белә. Шулай булгач, ураза гыйбадәте аша без Раббыбызның чиксез рәхмәтенә ирешә алабыз.
Ин шәә Әллааһ! 🤲
"Балкыш" битеннән алынды.
Присоединяйтесь к ОК, чтобы посмотреть больше фото, видео и найти новых друзей.
Нет комментариев