Предыдущая публикация
Офоҡ ситен ипләп кенә асып,
Һыҙылып ҡына ата алһыу таң.
Ялҡын нурын тирә-юнгә һирпеп,
Биләмәһен байҡай ҡояш-хан.
Тыуып ҡына торған яңы көндө
Һайрар ҡоштар һөйөп сәләмләй.
Үлән башын эйеп үткән елдән
Гөлдән гөлгә ысыҡ тәгәрләй.
Йоҡомһорап торған ерек-талға
Шаршы ерҙән тулҡын һикерә.
Һыу өҫтөндә торған шыйыҡ быу ҙа
Күңелемде ифрат күтәрә.
Следующая публикация
Комментарии 20