Распачаўся фестываль з яго традыцыйнай літаратурнай імпрэзы “Вераніцынская зорка”, якая падарыла аматарам паэтычнага слова сустрэчу з цікавымі аўтарамі, лёс якіх звязаны з Гарадоччынай. Сваю творчасць прадставілі член Саюза пісьменнікаў Беларусі, Расіі і Саюзнай дзяржавы Н.В. Саветная, член Саюза пісьменнікаў Беларусі А.Я Герашчанка, С.М.Студзянцова, І.І Шматкоў. Госцем літаратурнага Парнаса стала галоўны рэдактар мастацка-публіцыстычнага часопіса “Берега” Л.Давыдзенка з г.Калінінграда. Удала ўпісаўся ў атмасферу фестывалю спектакль Мінскага гарадскога тэатра паэзіі “В краю светозарной земли”, а таксама літаратурна-музычная гасцёўня “Бацькаўшчына любая мая” з удзелам пераможцаў абласнога этапа Распубліеанскага конкурсу чытальнікаў “Жывая класіка” і творчых калектываў Віцебскага абласнога палаца дзяцей і моладзі.
У межах фестывалю адбылася прэзентацыя кніг “Гарадоцкі край” і “Рака памяці” з удзелам галоўнага рэдактара выдавецтва “Беларусь” Языковіч Л.У. і галоўнага спецыяліста галоўнага ўпраўлення ідэалагічнай работы і па справах моладзі Віцебскага абалвыканкама Дзядзінкінай С.У.
Важным складнікам фестывалю з’яўляюцца народныя рамёствы Гарадоччыны. Яны былі шырока прадстаўлены на выставе-прэзентацыі “Кірмаш ля Парнаса”, арганізаванай Гарадоцкім Домам рамёстваў і фальклору. Асаблівая ўвага была нададзена рамёствам – элементам нематэрыяльнай культурнай спадчыны, унесеным у дзяржаўны спіс гісторыка-культурных каштоўнасцей РБ.
На ўтульным падворку гасцей свята віталі і частавалі прысмакамі традыцыйнай кухні ўдзельніцы народных аматарскіх аб’яднанняў “Сладушка” Пальмінскага СДК, “Гаспадынька” Кабішчанскага СДК, народнага фальклорнага калектыву “Спадарыня” Бычыхінскага СДК.
Ну а самай яркай і відовішчнай часткай фестывалю стала святочная праграма “Вечарынка на Парнасе” з удзелам лепшых творчых калектываў Гарадоччыны : народнага фальклорнага ансамбля”Азерыца” Езярышчанскага ГПДК, вакальнага ансамбля “Сябрына” Цэнтра традыцыйнай культуры, народнага ансамбля песні “Дубравіца” Дуброўскага СК, харэаграфічнага ансамбля “Задорынкі”, вакальнага ансамбля “Веснушки”, узорнага тэатра “Форум” Гарадоцкай ДШМ, Заслужанага аматарскага калектыву РБ ”Яблынька” і інш. У канцэртнай праграме “Гарадоцкага Парнаса” таксама прынялі ўдзел народныя ансамблі песні “Раніца” з Докшыц і “Калінаўскія маладзіцы” з Дубровенскага раёна.
Присоединяйтесь к ОК, чтобы посмотреть больше фото, видео и найти новых друзей.
Нет комментариев