Предыдущая публикация
Урмат (бейиште жүрчү ылайым)
Кара каштуу, кара көздү тууганым
Азыр сени эстеп гана турамын
Кара тору арык чырай келбеттүү
Боорукер, акылдуу жана кайраттуу
Бир тууганым, эжең сени эскерет
Сени ойлоп өзүнчө бир томсорот
Өзүнчө бир нерселер жазып жүрөт
Жашоонун сыноолорун тизмектеп
Кайгы келди үй-бүлөөңдүң башына
Капыстан сенден ажырап калганда
Мүнөзүңдү канча адамдар жактырган
Туугандар ичи ачышып бир кайгырган
Авамдын карааны, көңүлүү сен белең
Барга жокко чөкпөгөн бир жан элең
Бир тууганын баарынан коргогон
Ачык айтып, шайыр жүргөн бала элең
Ар дайым сени эстегенде жүрөктөрү оруп турат
Сени сагынып көздөрү жашка толуп турат
Авамдын айтпайын жүрөк жарасын
Сенин артыңдан кетчүүдөй болуп жүрөт
Эч кимге алмаштыргыс жан элең
Авамдын жакшы көргөн уулу элең
Шашып кеттиң артка кайтпас сапарга
Атакеңдин кичи ширин уулу элең
Апакең тогуз ай сени көтөргөн
Урматым деп эркелетип өстүргөн
Шоктугуңан капа кылып койсоң да
Эң кичине эрке уулу сен элең
Апакеңдин жан дүйнөсү оруп турат
Арадан жылдар, айлар өтүп жатат
Ар дайым сагынып жашап жүрөт
Турмуш деген арабаны тартып жүрөт
Эриш аркак, эрчишип кол кармашып
Эже-карындаш тартты турмуш сапарын
Ыйлап кетти сени издеп караның
Эстегенде козгоп жүрөк жарасын
Акылай сени эстеп турат ар дайым
Жол көрсөтүп үйүмдү табып берчүү деп
Бир тууганым, классташым жан кайгым
Колдочуу, коргочуу элең деп келет
Досторуң калды артыңда сени эстеп
Кабыргасы кайышып кээде тескеп
Колдон келген жардамын берип жүрөт
Көргөн жерде салам берип сени эстеп
Чоң атам эскерип айтып жүрдү
Эмил менен эрчишип жүргөндөрүң
Кандай сонун эстен кеткис кыялдарың
Эстейбиз жайлоодо жүргөн күндөрүң
Мектепти аяктап калган элең
Максаттарды алдыга койгон белең
Кыргызымдын керегине жарайын деп
Бир кесипти болжолдоп койгон белең
Жаркылдаган жылдыздуу бала элең
Тагдырына эмне жазылганын билбеген
Кайгырып артында биз жүрсөк да
Сен ал жакта эч капалык сезбегин
Чын дүйнө сени алып кетти жашыңда
Болгону он жети жаш курагыңда
Периште жетелеп кирсин бейишке
Насип кылсын Аллахым жүзүн көрүшкө
Жаткан жериң жайлуу болсун
Бейишке чыккын ылайым
Артыңда калган туугандарың
Дуба кылат эстейт сени ар дайым
Автор: Шерматова Рухия 23.07.2020ж.
Следующая публикация
Нет комментариев