Күнтэн күн оруйуон дьокутааттарын, оруйуон баһылыгын талар күммүт чугаһаан иһэр.
Мин бииртэн диксинэбин, кэлиҥҥи кэмҥэ дьон быыбарга кыттыыта мөлтөөн иһэр . Урукку кэмнэргэ Токо, Уолбут, Дьаархан олохтоохторо 3-4 чааһынан куоластаан бүтэр буолаллара. Аныгы быыбардааччылар ол аата сарсыҥҥыны анаарбат буолан иһэбит, дьиҥэр олохпут тускула хас биирдиибититтэн тутулуктаах.
Быйылгы быыбарга, чуолаан баһылык быыбарыгар кирдээх, сиэрэ суох быһыылар туттуллаллар. Кандидаттар бэйэ бэйэлэригэр убаастабыллаахтык сыһыаннаһыахтаах этилэр. Оруйуон дьотаатыгар Копылов Николай Анатольевич турбутун сэргит көрөбүн. 2017 сылтан Дьаархан нэһилиэгин баһылыгынан талыллан үлэлээбитэ.Билиилээх көрүүлэх эдэр киһиэхэ ол кэмҥэ итэҕэллээх киһи буолан бииргэ үлэлээбиппит. Олохтоох дьаһалтаҕа үйэ чиэппэрэ дьокутаатынан, баһылыгынан, оскуола дириэктэринэн үлэлээбит буолан, баһылык сыралаах үлэтин иһиттэн билэбин. Билигин Николай Анатольевич оруйуон тутаах тэрилтэтигэр ООО 'Кладовая Олекмы' генеральнай директорынан ситиһиилээхтик үлэлии сылдьар. Удьуора тардан, эһэтин Кузьмин Влажимир Ильич туйаҕын хатаран, тыа хаһаайыстыбатын сыралаах үлэтин ылыста. Эдэр эрчимнээх салайааччы бу үлэтигэр саҥа хамсааһыны киллэриэ диэн толору эрэллээхпин. Өлүөхүмэ оруйуонун дьокутааттарын быыбарыгар биир санаанан Копылов куоласпытын биэриэҕиҥ диэн ыҥырабын !
Өлүөхүмэ оруйуонун баһылыгын быыбарыгар туруммут дьон ортотугар, билиҥҥи баһылыкпыт Харбин Николай Николаевич баар. Николай Николаевич Токо орто оскуолатын 'алхаска' буолбакка ситиһиилээхтик үөрэнэн бүтэрбитэ. Оскуолаҕа үөрэнэр сылларыгар үөрэппит, көҥүл тустууга уһуйбут 'буруйдаахпын'. Оччоттон билиҥҥэ дылы бэйэ бэйэбитин убаастаһан кэллибит. Үлэлиирим тухары баһылыгынан үлэлээбит: Л.Н.Торговкины, В.В Омуковы, С. М. Федуловы, В.Н. Васильевы кытары киһилии үтүө суобастаахтык алтыһан кэллим. Хас биирдиилэрэ кыахтара тиийэринэн кылааттарын киллэрбиттэрэ. Олорон кэлбит мутукпун кэрдэр санаам суох. Николай Николаевич Харбин 2019 сыллаахха быыбарга туруоруммут программатын ситиһиилээхтик толорон кэллэ, ону мэлдьэһэр киһи суох буолуо. Биэс сыллаах болдьоххо Николай Николаевич ууну, уоту, алтан турбаны этэҥҥэ туораан кэллэ. Билиҥҥи биэс сыллаах программатыгар, билсибит буоллаххытына, барыта орйуон олохтоохторугар ананар: суол иис, үөрэхтээһин, доруобуйа харыстабыла, тыа хаһаайыстыбата, тутуу, нэһилиэктэргэ гаас киллэриитэ, нэһилиэнньэ дьарыктаах буолуута, национальнай нэһилиэктэр төрүт дьарыктара культуралара, сиртэн хостонор баай олохтоохтор туһаларыгар, СВО ҕа сылдьааччыларга көмө, оруйуон хааһынатын хаҥатыы. Н.Н.Харбин билиҥҥи хамаандата Ил Түмэн дьокутааттара: Н. И.Кульбертинов, А.З.Колодезников Ил дархан А.С.Николаев өйөбүлүнэн оруйуоммутугар сайдыы тыынын киллэрэллэригэр эрэл улахан.
Убаастабыллаах быыбардааччылар! Билиҥҥи сэрии, олох уустук кэмигэр баһылыкпытын уларыппакка - Харбин Николай Николаевичка куоластыыргытыгар ыҥырабын! Ҭуорааһыҥҥа аты уларытыллыбат!. Убаастабылы кытары Б.С.Чичирбынов. Оруйуон бочуоттаах олохтооҕо.
#МыВместе
#ЗаХарбина
Народная группа поддержки «ВМЕСТЕ С ХАРБИНЫМ!»
🔹 Подписывайтесь на наш телеграм-канал: https://t.me/vmeste_s_kharbinym
Присоединяйтесь к ОК, чтобы посмотреть больше фото, видео и найти новых друзей.
Нет комментариев