Дата дакладная , таму што ў той дзень было Ўшэсце .
Ў трох вёсках ў агні загінулі 52 мірныя жыхары , сярод якіх былі і дзеці . Па ініцыятыве неабыякавых людзей - старшыні Вуглоўскага с/с Протчанка С.І. , начальніка ідэалагічнага аддзела Брагінскага райвыканкама Цалуйка С.С. , дырэктара Вуглоўскай СШ Дзегцярэнка С.А. на Мемарыяльным комплексе Памяці ў Рудні Жураўлёвай адбыўся мітынг-рэквіем Памяці ахвяр генацыду .Ў ім прынялі ўдзел міратворцы і піянеры Вуглоўскай СШ , а таксама мясцовыя жыхары і ,, Маяк Палесся " .
Пратаіерэй Ўладзімір правёў Літыю , запалілі свечкі, усклалі кветкі на гранітныя пліты і на магіле спаленых жыхароў вёскі Рудня Жураўлёва . На гэтых могілках захаваны і астанкі 17 спаленых жыхароў вёскі Лубенікі , але вядома толькі прыкладна месца , будзем думаць , што рабіць . Яшчэ жывыя сведкі тых крывавых падзей - Купрэенка Аркадзь Трафімавіч (97 гадоў) , Русак Ганна Емельянаўна(94) , Міроненка Марыя Рыгораўна(87) , Свірыдзенка Міхаіл Кузьміч (84) Свірыдзенка Ніна Емельянаўна (82) , Дваракоўскі Мікалай Аляксандравіч (87), Сяргеенка Ўладзімір Мікалаевіч (84) .Спадзяюся , што ёсць яшчэ і іншыя , па-гэтаму да свайго сораму прашу прабачэння .
Вечная Вам памяць і нізкі паклон дарагія землякі - жывыя і мёртвыя жывіце доўга і вечна ў нашай памяці !
Успаміны бабулі
Кажуць людзі – час лечыць,
Але ж гэта нельга забыць:
Злыя твары, чужыя рэчы,
Калі гналі ў гумно нас паліць.
У натоўпе – старыя, жанчыны і дзеці.
Аскал сабакі, вось-вось загрызе,
Ды яшчэ падганяе ў спіну вецер
Людзей у смяротнай гэтай чарзе.
Людзі так громка крычалі і галасілі,
Што і брэху сабак ужо не чуваць.
Дзяцей пашкадуйце – богам прасілі,
Навошта маленькіх такіх вам караць.
Калі ж да гумна – ужо метраў дваццаць,
Галоўны немец натоўп прыпыніў;
З яго вырваў людзей – усіх трынаццаць
І стрэху з саломы ў гумне падпаліў.
Вёска, гумно з людзмі згарэлі да тла:
Жывёла, птушкі, хлявы і хаты –
Пячныя трубы – навокал ні двара, ні кала…
Што ж нарабілі вы нелюдзі, каты?
Косткі тых, што згарэлі ў гумне
У навалачцы, пад сасной пахавалі.
Жаху такого, нават у сне,
Тыя, хто выжыў, нам не жадалі.
Присоединяйтесь к ОК, чтобы посмотреть больше фото, видео и найти новых друзей.
Комментарии 3