Предыдущая публикация
Әсәм теле - сәсән теле,
Башҡорт теле Рәми теле.
Эй хоҙайым, йәшәһен шул,
Һәр кемдең туған теле.
Йәшәһен һәр бер кеше
Онотмайса үҙ телен.
Күпме милләт бар Ерҙә,
Телдәр ҙә бар шул тиклем.
Йәшәйек дуҫтар булып,
Илебеҙҙе һөйәйек.
Дошманға юл ҡуймайыҡ,
Башыбыҙҙы эймәйек!
Шул ваҡытта дуҫлыҡ артыр,
Илебеҙҙе һөйәрбеҙ.
Ҡояшыбыҙ нур сәсеп
Халҡыбыҙҙы яратыр.
Дуҫлыҡ, татыулыҡ, һөйөү,
Ниндәй матур хистәр ул.
Йөрәгемдән сыҡҡан хистәр,
Бағышлайым һеҙгә мин!
Матур ҙа ул, наҙлы ла ул,
Минең туған телкәйем.
Йөрәктәргә осҡон биреп,
Онотмаҫлыҡ итһен ул.
Гөлбикә Сабур ҡыҙы Деникаева.
Яҙҙым: 15.12.2022 йыл.
Присоединяйтесь к ОК, чтобы посмотреть больше фото, видео и найти новых друзей.
Комментарии 51