АНАРА БЕКМАТОВАга
(Көп баланын сүйүктүү апасы)
Момун жансың, жакшы ойдо жүрөсүң,
Сүйсөң эгер, жүрөгүңдөн сүйөсүң.
Адамдыктын эң жогорку тепкичи,
Өзүңдөн да, өзгөгө көп күйөсүң.
Ачык көңүл жансың ачык асмандай,
Албырасың эми гүл бак ачкандай.
Жароокерсиң, узак өмүр сүрө көр,
Жашоонун бул шириндигин таткандай.
Өйдөлөсөң өйдөлөгүн, өрлөгүн,
Өмүрүңдүн өкүттөрүн жөндөгүн.
Көп баланын энекеси сүйүктүү,
Эртеңинде жамандыгын көрбөгүн.
Жылмаюуңдан эрийт мөңгү, муз дагы,
Сага жетпей жүрөк мынча сыздады?
Алыс жакта сен да мени ойлоорсуң,
Акын ырга кошту дагы, ырдады.
Момун жансың, жакшы ойдо жүрөсүң,
Сүйсөң эгер, жүрөгүңдөн сүйөсүң.
Адамдыктын эң жогорку тепкичи,
Өзүңдөн да, өзгөгө көп күйөсүң!
Автор: Бакытбек Мукарамов,
"Поэзия Ордосу" көркөм-адабий бирикмесинин мүчөсү.
Присоединяйтесь к ОК, чтобы посмотреть больше фото, видео и найти новых друзей.
Комментарии 9
Соонун саптар
Жылуу конул, жылгаларды аттаган
Ким болду экен сендей жанды билбеген
Сыйлабаган, сый торундо журбогон