Предыдущая публикация
Әткәемне бүген төштә күрдем
Ак чәчкәләр миңа бүләк итте
Ап-ак күлмәк иде өстендә
Елмайды да...Үз юлына китте...
Ә мин карап калдым артыннан
Чәчкәләрен кулда тоткан килеш
Сагындым дип тә әйтә алмадым бит
Күңелемдә калды үкенеч.
Уянгач та күз алдымнан китми
Әткәемнең матур елмаюы
Нигә, әткәй, бик тиз китеп бардың
Көткән идем синең юатуны.
Иркә кызым, бөтерчегем диеп
Нигә сыйпамадың чәчемнән...
Алтын кулларыңның җылысын
Алып калыр идем төшемнән.
Рүзилә Гатауллина
Присоединяйтесь к ОК, чтобы посмотреть больше фото, видео и найти новых друзей.
Нет комментариев