მიგეჩვიე და გავთამამდი,
მე მგონი კიდეც.
მხოლოდ შორიდან, მხოლოდ ასე..
გავბედე თუმცა.
შენს გვერდით მინდა ვიხალისო,
ვიანცო კიდევ,
გავალამაზო სიყვარული
სიცელქით უნდა.
მერე რა, თუ თმა, ვერცხლისფერი
გაგვიხდა უკვე,
მერე რა, წლები და ასაკი
შეგვეტყო თუნდა.
მე ხომ იმ გულით მეყვარები
ისევე, ისე,
როგორც ბავშვ გოგოს, ერთ დროს.. გახსოვს?
ვერ ვძლებდი წუთსაც.
შენს თბილ გულს მინდა ჩავეკრა და
ჩავყუჩდე ისევ,
ნეტარ წუთებად შენში დავრჩე.
დავმთავრდე თუნდაც.
როგორც შევძელი, შეგიყვარე
ისევე ძლიერ,
დავეპატრონე შენს გულს უკვე
და მგონი სულსაც.
შორიდან ვბედავ ჩემს სიყვარულს
და გაძლევ იმედს,
პატარასავით სიხალისით
თამამად ვსუნთქავ.
სევდით, ნაღველით აღსავსე ვარ
წლებია ისევ,
ახლა იმედით გამთბარი ვარ,
შენიდან თუმცა.
ეს ჩემი გული რას განიცდის,
ვერ ვამბობ კიდევ,
ან როგორ უნდა ახლოს მოსვლა,
შენს ლამაზ სულთან.
აღარ სურს ზამთრის სიცივეში
ებრძოლოს ყინვებს,
სურს ჩამოუჯდეს სიმყუდროვეს
თბილად შენს გულთან.
,, ეთო" 03.09.20.
Присоединяйтесь к ОК, чтобы посмотреть больше фото, видео и найти новых друзей.
Нет комментариев