#әдәбимарафон2024
#татнетныүстерүфонды
#Татарстанязучыларберлеге
#татарстанкитапнәшрияты
14 нче көн
Әнгам Атнабаев
Туган җирем.
Чияле тау... Юкә урманы...
Бәпкә үлән баскан урамы...
Кышкы көннең салкын бураны...
Мин шушында, дуслар, туганмын.
Шушы җирне, шушы һаваны
Иң тәүбашлап күргән күзләрем.
Шушы җиргә пичәтләнеп калган
Кеп-кечкенә тәпи эзләрем.
Нинди газап, нинди кайгы үтсә,
Минем шушы туган җиремнән —
Әнкәемнең кара чәчләренә
Бар да көмеш белән чигелгән.
Күп җирләрне иңләп-буйладым,
Тик шулай да урау юлларым.
Юлларымнан бигрәк уйларым
Шушы җиргә мине тарталар.
Кайтып керсәм, яшәргәндәй булам,
Бетә сыман бөтен арулар.
Тузаны да аның зарарсыз күк,
Һавасында, гүя, дару бар.
Ул коткарыр, ул арчалап калыр,
Бәла-казаларга юлыксам.
Кеше диеп мине йөретмәгез,
Шушы җирне әгәр онытсам.
Присоединяйтесь к ОК, чтобы посмотреть больше фото, видео и найти новых друзей.
Нет комментариев