Предыдущая публикация
"Ауыртыуға сыҙамай илаған саҡтарым күп булды...
"
Әнүзә Мусина ҡан баҫымы күтәрелеүенән, быуындары һәм арҡаһы һыҙлауынан интеккән. Услап дарыу ашаған. Хәҙер яфаланыуҙарҙан ҡотолған. Ул ике халыҡ рецебын тәҡдим итә.
"Ҡан баҫымынан һәм быуындар һыҙлағанда ҡулланыла торған ике халыҡ рецебын тәҡдим итәм. Бик ҽңел һәм бик ябай улар. Миңә файҙаһы бик ныҡ тҽйҙе. Алланың биргәненә сикһеҙ рәхмәтлемен.
Ярты төндән услап дарыу ашай инем. Бына шул төнәтмәләрҙе яһап эсә башлағас, Аллаға шөкөр, дарыуҙар эсмәйем.
Был рецепттар Интернеттан алынды. Ни булһа ла булыр тип, эсеп ҡараным. Беренсе порцияны эсеп бөтөрөүгә үк, Аллаһ ярҙамы мҽнән, файҙаһын күрҙем.
ҠАН БАҪЫМЫНАН, БЫУЫНДАР ҺЫҘЛАУЫНАН.
Өс литрлыҡ банкаға уртаса ҙурлыҡтағы ике сҽй ҡыҙыл сөгөлдөрҙө таҙартып, шаҡмаҡлап турап һалдым. Өҫтөнә бүлмә температураһындағы ҡайнаған һыу ҡойҙом. Бер сәй ҡалағы ҡорт балын ярты стакан һыуҙа болғатып, банкаға һалдым. Әҙ генә асыҡ ҡалдырып, капрон ҡапҡас яптым. Биш көн һалҡынса урында тоттом. Өҫтөндәге күбеген йыйып алғас, марля аша һөҙөп, төнәтмәне ашар алдынан, йә ашағандан һуң, ярты стаканлап көнөнә дүрт тапҡыр эстем.
Хәҙер быуындарым ауыртмай, Аллаға шөкөр! Элек бик этләндем. Иртән аяҡҡа баҫыр өсөн төндә ике-өс тапҡыр тороп, икешәр таблетка ибупрофен эсә инем (сәғәт 6-ла һәм 12-лә). Шул таблеткаларҙы эсмәһәм, аяҡҡа баҫа алмай инем. Ниндәй генә мазь, гель, үҙем яһаған төнәтмәләр ҡулланманым! Улар барыһы ла ауыртыуҙы ваҡытлыса ғына баҫып тора ине. Ошо төнәтмәне яһап эсә башлағас, дарыуҙарҙы онотоп барам, Алланың биргәненә шөкөр!
Элек ҡан баҫымы менән дә бик этләндем: 200/110-ға саҡлы күтәрелә ине. Хәҙер нормала. Алланың оло рәхмәте инде был!
АРҠА ҺЫҘЛАУЫНАН.
Бер литр һыуҙы ҡайнатып һыуытаһың. Шуға:
биш бөртөк ҡара йөҙөм,
өс аш ҡалағы шәкәр,
дүрт аш ҡалағы йомро сҽй дөгө һалып, биш көн һалҡынса урында тотаһың да һыуын һөҙөп алаһың.
Банкала ҡалған төнәтмә өҫтөнә яңынан һыу һалып ҡуяһың. Һөҙөп алған һыуҙы, ашағансы, йә ашағас, ярты стаканлап көнөнә өс тапҡыр эсәһең. Дауаланыу срогы бер ай. Файҙаһы беренсе порциянан уҡ тҽйҙе. Мин өс порция эстем.
Арҡамдың ауыртыуына сыҙай алмай илаған саҡтарым күп булды. Ниндәй генә дарыу, мазь, гель ҡулланманым. Берҽһе лә ярҙам итмәнҽ. Шуға күрә һеҙгә лә шуларҙы яһап, эсеп ҡарағыҙ әле, тип кәңәш итҽүем. Ин шәә Аллаһ, файҙаһын күрерһегҽҙ!" - тип яҙа ул.
Следующая публикация
Нет комментариев