Калі я наведваю лесапарк які прымыкае да Аўтазаводскага мікрараёну (БАМу), мне заўсёды прыходзіць на памяць, як Дон Кіхот сустрэў стражніка які вёў невялікую групу людзей, закаваных у ланцугі. Кожны з іх сцвярджаў, што ён невінаваты і яго пазбавілі свабоды незаслужана.
Тады Дон Кіхот, рызыкуючы сваім жыццём у бойцы з ахоўнікам перамог яго. А калі зняў са зняволеных кайданы, тыя адбегшы ад рыцара, пачалі са з'едлівымі насмешкамі кідаць у яго каменнямі і ледзь не забілі свайго Збавіцеля. Пры такіх успамінах мне заўсёды здаецца, што лесапарк — гэта Дон Кіхот, а мы — злачынцы, якіх пры сустрэчы з ім, ён вызваляе ад ланцугоў паўсядзённага тлуму, тэхнагенных наступстваў і пры гэтым дорыць нам цалебнае паветра, ягады, грыбы і эстэтычную асалоду для душы. А мы, замест удзячнасці, кідаем ў яго каменнямі садызму, эгаізму, хамства і безкультур'я.
Присоединяйтесь к ОК, чтобы посмотреть больше фото, видео и найти новых друзей.
Комментарии 3